अर्थतन्त्र

सामान्य अंकले बढेकाे शेयरबजारमा काराेबार रकम घट्याे

काठमाडाैं । साताको अन्तिम दिन बिहीबार सेयर बजार मापक नेप्से परिसूचक सामान्य अंकले बढेको छ भने काराेबार रकम घटेकाे छ । 

नेप्से आज १३.०४ अंकले बढेर दुई हजार ७ सय ८२ दशमलब १६ विन्दुमा पुगेको छ । बुधबार नेप्से १८.०६ अंकले बढेर दुई हजार ७ सय ६९ दशमलब १३ विन्दुमा पुगेको थियो ।        

त्यस्तै, आज कारोबार रकम भने घटेको छ । आज नेप्सेमा ५ अर्ब ३९ करोड ५२ लाख बराबरको कारोबार भएको छ । बुधबार नेप्सेमा ६ अर्ब ६१ करोड २६ लाख बराबरको कारोबार भएको थियो । आज कारोबार भएका ६ वटा समूह बाहेक अन्य सबै समूह बढेका छन् ।    

२२२ कम्पनीको ९२ लाख ३६ हजार ६१३ कित्ता सेयर ५ अर्ब ३९ करोड ५२ लाख ६८ हजार ६२८ रुपैयाँको सेयर किनबेच भएको छ ।

आज कारोबार भएका कम्पनीमध्ये  रिडी हाइड्रोपावर डेभलपमेन्ट कम्पनी, मनकामना स्मार्ट लघुवित्त वित्तीय संस्था र हिमालयन पावर पार्टनरकाे मूल्यमा सर्किट लागेकाे छ ।

 एभरेस्ट इन्स्योरेन्स कम्पनीको शेयरमूल्यमा सर्वाधिक गिरावट आएको छ । 

कारोबार रकमको आधारमा नेशनल हाईड्रोपावर कम्पनी अग्रस्थानमा रहेको छ । कम्पनीको २९ करोड १९ लाख ५ हजार ३१६ रुपैयाँको सेयर कारोबार भएको छ ।

गाउँ सहर संवाददाता