गाउँ सहर

बस दुर्घटनाः ज्यान गुमाउनेको संख्या २८ पुग्याे

• गाउँ सहर संवाददाता
• २६ असोज मंगलबार, २०७८ | १७:२८:०० मा प्रकाशित

सिमकोट । मुगुमा भएको बस दुर्घटनामा ज्यान गुमाउनेको संख्या २८ पुगेको छ ।

२४ जनाको घटनास्थलमै र चार जनाको उद्धार गरी उपचारको लागि लैजाने क्रममा मृत्यु भएको डिएसपी चित्रबहादुर भट्टराईले जानकारी दिए ।

अहिले पनि उद्धार कार्य जारी छ ।

प्रमुख जिल्ला अधिकारी, सशस्त्र प्रहरीका डिएसपीसहितको टोली अहिले पनि घटनास्थलमा रहेको उनले जानकारी दिए ।

नेपालगञ्जबाट मुगुको गमगढी जाँदै गरेको भे १ ख ३१६७ नम्बरको बस सडकबाट अन्दाजी साढे दुई सयमिटर तल खसेको हो ।

बस दुर्घटनामा घाइते भएका १५ जनालाई उद्दार गरी नेपालगञ्ज लगिएको छ ।

प्रहरीका अनुसार ३ जनाको हेलिकोप्टरबाट र १२ जनाको हवाइजहाजबाट उद्दार गरी उपचारका लागि नेपालगञ्ज लगिएको हो ।

घाइते एकजना बालिकाको जिल्ला अस्पताल मुगुमा उपचार भइरहेको छ ।