गाउँ सहर

सिभिल बैंकको अध्यक्ष इच्छाराज तामाङ किन पक्राउ परे ? कारण यस्ताे

• गाउँ सहर संवाददाता
• १९ असोज मंगलबार, २०७८ | १०:२९:०० मा प्रकाशित

काठमाडौँ । सिभिल बैंकको अध्यक्ष इच्छाराज तामाङ पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सिआइबी) ले उनलाई पक्राउ गरेको हो ।

तामाङले सिभिल सेभिङ एण्ड क्रेडिट सहकारी संस्था लिमिटेडमा निक्षेपकर्ताले राखेको रकम हिनामिना गरेको आरोपमा पक्राउ गरिएको हो । सिआइबीका अनुसार हालसम्म ४४ करोडभन्दा बढी रकम ठगी र हिनामिना भएको उजुरी प्राप्त भएपछि तामाङलाई पक्राउ गरिएको हो ।

उनीहरूविरूद्ध निक्षेपकर्ताहरूले ब्युरोमा जाहेरी दिएको सिआइबीले जानकारी दिए । उनले ४६ करोड रुपैयाँ ठगीको निवेदन परेको र यसको विस्तृत विवरण आज जानकारी गराउने सिआइवी प्रमुख धिरजप्रताप सिंहले जानकारी दिए ।