इपीएलमा पोखराको पहिलो जित
- गाउँ सहर संवाददाता
- १३ असोज बुधबार, २०७८ | २१:१८:०० मा प्रकाशित
पाेखरा । एभरेष्ट प्रिमियर लिग टी–२० क्रिकेट प्रतियोगितामा पोखरा राइनोजले पहिलो जित निकालेको छ ।
आज भएको खेलमा पोखराले ललितपुर प्याट्रियट्समाथि ९ विकेटको जित निकालेको हो ।
जितसंगै पोखरा लिगको शीर्षस्थानमा उक्लिएको छ । पोखराको जितमा रिचार्ड लेभिले उत्कृष्ट प्रदर्शन गरे । लेभिले अभिजित ३८ रन बनाएपछि पोखराले जितसंगै अंकतालिकामा महत्वपूर्ण २ अंक जोड्न सफल भयो ।
अन्तिम ओभरमा जितका लागि ११ रनको आवश्यक रहँदा लेभिले पवन सर्राफको पहिलो बलमै छक्का प्रहार गरे । अर्को बलमा चौका प्रहार गरेका लेभिले तेश्रो बलमापनि चौका प्रहार गर्दै टिमलाई जित दिलाएका हुन् । वर्षातका कारण प्रभावित खेल मात्रै ७ ओभरमा झारिएको थियो । टस जितेर राइनोजले बलिङ्ग रोजेपछि व्याटिङ्गका लागि मैदान उत्रिएको ललितपुरले ७ ओभरमा ६ विकेट गुमाएर ५१ रन मात्रै बनाउन सकेको थियो । ललितपुरको तर्फबाट सन्दुन विराकोटीले १९, नारायण जोशीले ११ तथा ओसादा फर्नाण्डोले अभिजित १० रन बनाए ।
पोखराका बलरहरु नन्दन यादवले ३, विक्रम शोवले २ तथा केसरिक विलियम्सले १ विकेट लिए । पोखराका लागि युवा खेलाडी रित गौतमले १२ रन बनाए । गौतम अजमत्उल्लाह ओमारजाइको बलमा बोल्ड हुन पुगेका थिए । जितसँगै पोखरा ३ अंक सहित तालिकाको शीर्ष स्थानमा पुगेको छ ।
यसअघि आइतबार भैरहवा ग्लाडियटर्ससँग भएको खेल वर्षाका पुरा हुन नपाएपछि दुवै टोलीले समान १–१ अंक बाँडेका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस