राजनीतिक सँस्कार भएको जिम्मेवार नेतृत्व चयन गर्नु पर्ने - राप्रपा
- गाउँ सहर संवाददाता
- १३ असोज बुधबार, २०७८ | १७:१५:०० मा प्रकाशित
पाँचथर । पार्टी भित्र नक्कली र सक्कली छुट्याएर महाधिवेशनबाट राजनीतिक सँस्कार भएको जिम्मेवार नेतृत्व चयन गर्नु पर्ने राष्ट्रिय प्रजातन्त्र पार्टी (राप्रपा) का स्थानीय कार्यकर्ताको निष्कर्ष छ ।
पाँचथरमा एकथरीको स्वेच्छाचारी प्रवृत्तिले पार्टी र कार्यकर्ताको भविष्य अन्योलमा परेको भन्दै तुम्बेवा गाउँपालिका परिषद भेलामा स्थानीय कार्यकर्ताले चिन्ता प्रकट गरे । पार्टी एकता र विधीमाथि प्रतिवद्ध जिम्मेवार नेतृत्वको राजनीतिक चरित्रमा जोड दिए ।
‘बाह्र बर्षमा खोला फर्किन्छ भने झैं राप्रपा जनताको ढुकढुकीमा बस्ने बेला आएको छ,’ कार्य सम्पादन सदस्य तथा प्रदेश नं १ का उपाध्यक्ष सगुन सुन्दर लावतीले भेलालाई सम्बोधन गर्दै भने ।
‘सत्यलाई एक पटक, दुई पटक ढाक्न सकिएला तर, सदैव छेक्न सकिन्न । त्यसकारण राप्रपाको एजेण्डा जनतामाझ लोकप्रिय बन्ने क्रम जारी छ ।’
राप्रपाका केन्द्रीय सदस्य नरेशभक्त चाम्लिङले सम्बोधन गर्दै भने, ‘राप्रपाले प्रारम्भ देखि नै उठाउँदै आएको राजसंस्था र सनातन धर्म सापेक्ष हिन्दु राष्ट्र प्रति जनसमर्थन बढ्दो छ । एकजुट भएको राप्रपाको भविष्य उज्वल छ ।’
अधिवेशनको नाममा अवैध प्रक्रिया अवलम्बन गरेर शपथ खुवाउने, प्रमाणपत्र बाँड्ने र कार्यकर्तालाई झुक्याउनेहरु अन्ततः कार्यकर्ताबाटै तिरस्कृत हुने उनको भनाइ थियो ।
सम्बोधन कै क्रममा स्वर्गीय नेता पद्मसुन्दर लावतीको देन भुल्न नसकिने चाम्लिङले बताए ।
जिल्ला सदस्य कमल कुमार राईले अध्यक्ष त्रयको निर्देशन विपरीत एकताको भावना अवमूल्यन गर्ने, निर्वाचन निर्देशिका मिच्ने क्रम पार्टीभित्र देखिएको भन्दै चिन्ता प्रकट गरे ।
एकलौटी बाटो तय गर्नेले पार्टीमा सबैलाई समेट्छु भन्नु हास्यास्पद रहेको राईको जिकिर थियो ।
विधी मिचेर कसैले गल्ती गरेको भए कि त माफ माग्नु पर्यो, नत्र कार्यकर्ताले नसिहत दिने स्पष्ट छ, केन्द्रीय बुद्धिजीवी परिषदका सदस्य डा. डिल्ली चापागाईले भने ।
कुम्मायक गाउँपालिका अध्यक्ष जगतजंगत लावतीले लामो दुख र कष्टबाट सिर्जित पार्टीलाई बिग्रहको बाटोमा जान दिन नहुने बताए । यसैकारण महाधिवेशनले असल र सक्षम नेतृत्व चुन्ने विश्वास व्यक्त गरे ।
सोही अवसरमा जनता समाजवादी पार्टी परित्याग गरी नयन्द्र लावतीले राप्रपामा प्रवेश गरेका थिए ।
तुम्बेवा गाउँपालिका परिषद भेलाले देवीधर्म खड्का सहित गाउँ कार्य समितिलाई विधान अनुरुप निर्वाचित गर्यो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस