अर्थतन्त्र

नेप्से परिसूचक सामान्य अंक बढेर बन्द, बढ्न सकेन काराेबार रकम

• गाउँ सहर संवाददाता
• ७ असोज बिहीबार, २०७८ | १५:४९:०० मा प्रकाशित

काठमाडाैं । तीव्र उतारचढाव देखिएको शेयरबजारमा नेप्से परिसूचक सामान्य अंक बढेर बन्द भएको छ । 

नेप्से परिसूचक २.७० अंकले बढेर २८१९.६५ अंकमा पुगेको छ । यो दिनको कारोबारमा ७५ वटा कम्पनीको सेयर मूल्य बढेको छ भने १४२ वटा कम्पनीको सेयर मूल्यमा गिरावट देखिएको छ । साथै ९ वटा कम्पनीको सेयर मूल्य स्थिर छ ।

यो दिनको कारोबारमा १ करोड ५७ लाख १४ हजार २६६ कित्ता सेयर ७ अर्ब ७२ करोड ६३ लाख ७१ हजार २९ रुपैयाँमा कारोबार भएको छ ।

यस दिन मनकामना स्मार्ट लघुवित्तको शेयरमूल्य सर्वाधिक १० प्रतिशत बढेको छ ।

त्यसैगरी, कारोबारमा आएका प्राइम लाइफ इन्स्योरेन्सको शेयरमूल्य ६ प्रतिशतभन्दा बढी बढेको छ भने नेपाल बैंक र नेपाल बङ्गलादेश बैंकको शेयरमूल्य ५ प्रतिशतभन्दा बढी बढेको छ ।

यस दिन हिमालयन पावर पार्टनर र युनियन हाइड्रोपावरको शेयरमूल्य ५ प्रतिशतभन्दा बढी घटेको छ ।

कारोबार रकमका आधारमा यस दिन सानिमा बैंक शीर्ष स्थानमा रहेको छ। सो बैंकको यस दिन ३४ करोडभन्दा बढीको शेयर खरिदबिक्री भएको छ ।