व्यवसायीले खोप पाएपछि लेउवा संघको स्थगित महाधिवेशन असोज २ मा
- गाउँ सहर संवाददाता
- २५ भदौ शुक्रबार, २०७८ | २१:१६:०० मा प्रकाशित

लेखनाथ । व्यवसायीले खोप पाएपछि लेखनाथ उद्योग वाणिज्य संघको स्थगित १३ औं महाधिवेशन असोज २ गते शनिवार हुने भएको छ ।
कोरोना भाइरसका कारण भाद्र १८ र १९ गतेका लागि तोकिएको महाधिवेशन भाद्र १३ गते स्थगित भएपछि निर्वाचन उप समितिले असोज २ गतेको मिति तय गरेसंगै संघको कार्यसमितिको बैठकले त्यसलाई अनमोदन गरी निर्वाचनको कार्यक्रम सार्वजनिक गरेको हो ।
लेखनाथ उद्योग वाणिज्य संघको आसन्न १३ औँ महाधिवेशनलाई मध्यनजर गर्दै संघका व्यवसायी सदस्यहरुलाई कोरोना विरुद्धको दोस्रो मात्राको खोप लगाईएको छ ।
गत साउन ३० गते भेरोसिलको पहिलो मात्रा लगाएका ब्यवसायीहरुलाई शुक्रवार लेखनाथ महोत्स्व स्थलमा १२ सय जनालाई दोस्रो मात्रा लगाईएको हो ।
खोप लगाएपछि आफूहरु असोज २ गते हुने निर्वाचनमा ढुक्क भएर मतदान गर्न आउने वातावरण बनेको व्यवसायीहरुको धारणा रहेको छ ।
निर्वाचनको कार्यक्रम लेखनाथ उद्योग वाणिज्य संघको महोत्सव स्थल तालचोकमा स्वास्थ्यका सम्पुर्ण मापदण्डहरु कायम गरी विहान ७ वजे देखि साँझ ५ बजेसम्म हुने निर्वाचन आयुक्त हेमराज बरालले जानकारी दिए ।
यस अघि संघको निर्वाचनको कार्यक्रम अन्तर्गत उमेदवारी दर्तादेखि उमेदवारको अन्तिम नामावली प्रकाशन भैसकेको छ ।
उमेदवारी दर्ताको क्रममा अध्यक्ष पदमा वर्तमान बरिष्ठ उपाध्यक्ष छत्रधर आत्रेयको मात्र उमेदवारी परेकाले आत्रेयअध्यक्ष पदमा निर्विरोध भईसकेका छन् भने संस्थागत सदस्यमा रामबहादुर गुरुङ र एशोसियट सदस्यमा मेघराज पौडेल निर्विरोध निर्वाचित भैसकेका छन् ।
निर्वाचनमा वरिष्ठ उपाध्यक्ष, प्रथम उपाध्यक्ष, द्वितीय उपाध्यक्ष, महासचिव, उपमहासचिव, कोषाध्यक्ष सहित आठ खुल्ला सदस्य, दुई महिला सदस्य छानिने भएका छन् ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
- प्रतिनिधिसभामा रास्वपा र राप्रपाको विरोधबीच संसद सुचार (LIVE)
- डाक्टरहरूको आन्दोलनले बिरामीले उपचार पाएनन्
- महानगरकाे बजेट समयमा नआएकाेबारे उपप्रमुख डंगाेलकाे यस्ताे प्रष्टिकरण
- त्रिवि क्रिकेट मैदानमा कुर्सी राख्न थालियो
प्रतिकृया दिनुहोस