सडक/यातायात

कालीगण्डकी करिडोर पहिरोका कारण अवरुद्ध

तम्घास । कालीगण्डकी करिडोर पहिरोका कारण अवरुद्ध भएको छ । कालीगण्डकी करिडोर अन्तर्गतको हर्मिचौर अर्बेनी सडक खण्डको गर्गरे भीरमा माथिबाट ठूलो पहिरो खसेकाले सडक अवरुद्ध भएको छ ।

सडक अवरुद्ध हुँदा बुटवलदेखि कालीगण्डकी गाउँपालिकाको केन्द्र पुर्तिघाटसम्म जाने सवारीहरु र पुर्तिघाटदेखि बुटवलसम्म जाने सवारीहरु चल्न सकेका छैनन् ।

शुक्रबार रातिबाट पहिरो पन्छाउनका लागि शनिबार विहानबाट डोजर लगाइएको छ । वर्षा नभए शनिबार साँझसम्म सडक खुलाउन सकिने गाउँपालिकाले जनाएकाे छ ।

नेपाली सेनाको सहयोगमा अहिले पहिरो पन्छाउने कार्य भइरहेको छ ।

गाउँ सहर संवाददाता