वातावरण

आज देशभर सामान्यदेखि पूर्ण बदलीसहित भारी वर्षा, सतर्क रहन अनुराेध

• गाउँ सहर संवाददाता
• १३ भदौ आइतबार, २०७८ | ०७:१०:०० मा प्रकाशित

काठमाडाैं । हाल नेपालमा मनसुनी वायुको प्रभाव रहेको छ । मनसुनको न्यून चापीय रेखा नेपालको तराई भू-भाग नजिक रहेको छ ।

हाल देशभर सामान्यदेखि पूर्ण बदली रहेको छ ।

माैसम पूर्वानुमान शाखाका अनुसार प्रदेश १, प्रदेश २, बागमती प्रदेश, गण्डकी प्रदेश, र लुम्बिनी प्रदेशका केही  स्थानहरूमा हल्कादेखि मध्यम वर्षा भइरहेको छ ।

आज देशको अधिकांश भू-भागमा सामान्य देखि पूर्ण बदली रही धेरै स्थानहरूमा हल्कादेखि मध्यम वर्षाको सम्भावना रहेको छ ।

प्रदेश १, गण्डकी, लुम्बिनी , कर्णाली र सुदूरपश्चिम प्रदेशका थोरै स्थानहरूमा मेघ गर्जनरचट्याङ्ग सहित भारी वर्षाको सम्भावना रहेको छ ।