नेप्से झिनाे अंकले बढेपनि हालसम्मकै उच्च, अझै जलविद्युत् कम्पनीमै आकर्षण
- गाउँ सहर संवाददाता
- २७ श्रावण बुधबार, २०७८ | १५:२२:०० मा प्रकाशित

काठमाडाैं । शेयरबजार परिसूचक नेप्से बुधबारकाे दिन अघिल्लाे दिनकाे तुलनामा खासै परिवर्तन देखिएन । तर झिनाे अंकले बढेकाे नेप्से हालसम्मकै उच्च बिन्दु हाे ।यसदिन नेप्से परिसूचक ०.९४ अंकले मात्रै बढेको छ । याे हालसम्मकै उच्च विन्दु हाे । अघिल्लो दिनको रेकर्ड ब्रेक गर्दै नेप्से परिसूचक ३१६२.४० विन्दुमा पुगेको हो ।
यो दिन २ करोड ७२ लाख ९८ हजार ६२४ कित्ता सेयर १५ अर्ब ४५ करोड ५९ लाख ४१ हजार ७५३ रुपैयाँमा कारोबार भएको छ ।
बुधबार सेयर बजारमा लगानीकर्ताको आकर्षण जलविद्युत् र होटल तथा पर्यटन क्षेत्रका कम्पनीमा बढेकाे छ । यो दिन जलविद्युत् सवइन्डेक्स ३.९२ प्रतिशत र होटल तथा पर्यटन सवइन्डेक्स २.७८ प्रतिशतले बढेको छ ।
यो दिनको कारोबारमा ६ वटा कम्पनीको सेयर मूल्यमा सकारात्मक सर्किट लागेको छ । जसमा रिडी हाइड्रोपावर डेभलपमेन्ट कम्पनी, रुरु जलविद्युत् परियोजना, आइसीएफसी फाइनान्स, जीवन विकास लघुवित्त, युनियनलाइफ इन्स्योरेन्स र एनआरएन इन्फ्रास्ट्रक्चरलगायतका कम्पनी छन् ।
जानकी फाइनान्स कम्पनीको शेयरमूल्यमा उच्च गिरावट आएको छ । जसको शेयरमूल्य करिब ५ प्रतिशतले घटेको छ । सबैभन्दा बढी अप्पर तामाकोशी हाइड्रोपावर कम्पनीको ६८ करोडको कारोबार भयो ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
प्रतिकृया दिनुहोस