अर्थतन्त्र

सुनकाे मूल्य ताेलामा पन्ध्र सयले घट्याे, चाँदीकाे मूल्यमा पनि गिरावट

• गाउँ सहर संवाददाता
• २४ श्रावण आइतबार, २०७८ | ११:५८:०० मा प्रकाशित

काठमाडाैं । आइतबार सुन र चाँदी दुबैको भाउ घटेको छ । यस दिन सुनका भाउ तोलामा १ हजार ५०० रुपैयाँले घटेको छ भने चाँदीको भाउ तोलामा २५ रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतबारको लागि छापावाला सुनको भाउ प्रतितोला ९० हजार रुपैयाँ र तेजाबी सुनको लागि प्रतितोला ८९ हजार ५०० रुपैयाँ तोकिएको छ ।

अघिल्लाे दिन छापावाला सुन प्रतितोला ९१ हजार ५०० र तेजाबी सुन प्रतितोला ९१ हजार रुपैयाँमा खरिद बिक्री भएको थियो ।

यस्तै, आइतबार चाँदीको भाउ पनि घटेको छ । यस दिन चाँदी अघिल्लो दिनको तुलनामा तोलामा २५ रुपैयाँले घटेर प्रतितोला १ हजार २४० रुपैयाँमा कारोबार भइरहेको छ ।

शुक्रबार चाँदी प्रतितोला १ हजार २६५ रुपैयाँमा खरिद बिक्री भएको थियो ।