‘सरकार र व्यक्ति परिवर्तनले मात्र देश र जनताको गम्भीर समस्या समाधान हुँदैन’ : सुब्बा
- गाउँ सहर संवाददाता
- ११ श्रावण सोमबार, २०७८ | १६:०१:०० मा प्रकाशित

सुनसरी । राष्ट्रिय प्रजातन्त्र पार्टी (राप्रपा) का वरीष्ठ नेता, पूर्वमन्त्री रामकुमार सुब्बाले सरकार र व्यक्ति परिवर्तनले मात्र देश र जनताको गम्भीर समस्या समाधान नहुने बताएका छन् ।
नेपाल–भारत सीमावर्ती क्षेत्रस्थित राप्रपाको हरिनगरा गाउँपालिकास्तरीय अधिवेशनलाई प्रमुख अतिथिको रुपमा सम्बोधन गर्दै नेता सुब्बाले यस्तो धारणा व्यक्त गरेका हुन् ।
‘सरकार र व्यक्ति परिवर्तनले मात्र देश र जनताको गम्भीर समस्या समाधान हुँदैन,’ उनले भने । ‘जनताले विकल्प खोजेका छन् । यसै सन्दर्भमा राष्ट्रिय प्रजातन्त्र पार्टी जिम्मेवार भएर, सुझबुझ पूर्ण रुपमा जनतामाझ जाने हो भने, राप्रपा त्यो विकल्प हुन सक्दछ ।’
सीमावर्ती क्षेत्रमा बसोबास गर्ने नेपाली जनता नै राष्ट्रियताको प्रथम रक्षक भएको बताएका छन् ।
‘नेपाली भूभाग, साँध सिमाना रक्षा गर्ने देखि नागरिकता दुरुपयोगमा रोक लगाउने सम्मका राष्ट्रिय स्वार्थ जगेर्नामा सीमावर्ती क्षेत्रका जनताको ठूलो योगदान छ । राष्ट्रिय स्वार्थका लागि तिनको रगत पसिना बगेको छ,’ राप्रपाका नेता सुब्बाले भने ।
नेपालीले नागरिकता नपाउने, सीमा पारका मानिसले श्रेष्ता मिलाएर नागरिकता लिने क्रम जारी रहेको भन्दै पूर्वमन्त्री सुब्बाले चिन्ता व्यक्त गरे । सरकारले यस किसिमको दुरुपयोग तत्काल नियन्त्रण गर्नु पर्नेमा उनको जोड थियो ।
राप्रपाको भेलाले रमानन्द मेहतालाई सर्वसम्मत रुपमा गाउँपालिका कार्य समितिको अध्यक्ष चयन गरेको छ । कार्यक्रममा केन्द्रिय सदस्यहरु हसबुल मिया, ईनु अधिकारी र योगमाया तिम्सिना, सुनसरी जिल्ला अध्यक्ष दुर्गाबहादुर बस्नेत, जिल्लाको संगठन विभाग प्रमुख नविन थापा लगायतको उपस्थिति थियो ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
- रसुवा बाढीमा परि ३ प्रहरी र ६ चिनियाँ नागरिकसहित १८ जना सम्पर्कविहीन
- भोटेकोशीकाे बाढीले रसुवागढी नाकामा मानवीय क्षतीसँगै मितेरी पुल, गाडी बगायाे
- २७ सय विन्दुबाट घट्यो नेप्से परिसूचक, कारोबार रकम ८ अर्ब ३७ करोड
- यी हुन् कुलिङ पिरियडमा भएको बदमासी छानबिन गर्ने विशेष समितिका ७ सदस्यहरुको नाम
प्रतिकृया दिनुहोस