अर्थतन्त्र

शेयरबजारका कुरा : बिहीबार नेप्से परिसूचक तीन हजारमाथि, ११ अर्ब बढीको काराेबार

• गाउँ सहर संवाददाता
• ७ श्रावण बिहीबार, २०७८ | १५:४०:०० मा प्रकाशित

काठमाडाैं । बिहीबार नेप्से दोहोरो अंकले बढेकाे छ । साताकाे अन्तिम दिन नेप्से सूचक १८.७५ अंकले बढेर ३ हजार ४.३१ अकंमा बन्द भएको छ । यसदिन ११ अर्ब बढीको शेयर खरीद बिक्री भएको हो ।

नेप्सेका अनुसार यस दिन २ दुइ सय २२ वटा कम्पनीको ५ करोड ५९ लाख ६४ हजार ६२ कित्ता शेयर १ लाख १४ हजार ७७२ पटक खरिद बिक्री हुँदा कारोबार रकम ११ अर्ब ११ करोड ४१ लख रुपैयाँ पुगेको हो । जुन अघिल्लो कारोबार दिन मंगलबारको तुलनामा कारोबार रकम ३ अर्ब २२ करोड रुपैयाँले बढेको हो । मंगलबार २१९ कम्पनीको ३ करोड १६ लाख कित्ता शेयर ७ अर्ब ८९ करोडको शेयर कारोबार भएको थियो ।

यो दिन नगाडी ग्रुप पावर, सीइडीबी हाइड्रो डेभलपमेन्ट कम्पनी, पोखरा फाइनान्स र माउण्टेन हाइड्रो नेपाल कम्पनीको सेयरमा सकारात्मक सर्किट लागेको छ ।

हिमालयन पावर पार्टनर, बरुण हाइड्रोपावर र एरभेष्ट इन्सयारेन्सको संस्थापक शेयर मूल्य ३ प्रतिशतभन्दा धेरै घटेका छन् ।