स्वास्थ्य

कोरोनाबाट थप २३ जनाको मृत्यु, निको हुने प्रतिशत ९४.७

• गाउँ सहर संवाददाता
• ३ श्रावण आइतबार, २०७८ | १७:४५:०० मा प्रकाशित

काठमाडौँ । नेपालमा कोरोनाबाट अहिलेसम्म ९ हजार ५५० को मृत्यु भएको छ । कुल संक्रमित ६ लाख ६७ हजार १०९ र एन्टिजेन विधिबाट ४८ हजार ९४० पुगेका छन् भने निको हुने ६ लाख २२३ हजार ७४ छन् ।

पछिल्लो २४ घण्टामा मात्र २३ जना कोरोना संक्रमितको मृत्यु भएको छ । पछिल्लो २४ घण्टामा ९ हजार ६२८ को परीक्षण हुँदा १ हजार ८०१ संक्रमित थपिएका छन् । 

अहिलेसम्म भएका परीक्षण र पहिचान भएका संक्रमितमध्ये ५६१ सघनमा र १६५ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ६६७ छ ।  जुन ९४.७ प्रतिशत हो ।

आजसम्म ३४ लाख ६९ हजार ६८५ जनाको पिसिआर परीक्षण भएको छ भने एन्टिजेन विधिबाट २ लाख ६२ हजार ८३१ को परीक्षण भएको छ । देशभरका क्वारेन्टाइनमा रहनेको संख्या ३४० र होम आइसोलेशनमा रहेको संख्या २२ हजार ८३४ छ भने संस्थागत आइसोलेशनमा रहेको संख्या २ हजार ६५१ छ । देशमा सक्रिय संक्रमितको संख्या २५ हजार ४८५ रहेको छ । 

अहिलेपनि २० देखि ६० वर्ष उमेर समूहमा संक्रमण उचो छ । गाउँमा संक्रमण बढेको मन्त्रालयले बताएको छ ।

अहिलेसम्म कोरोनाविरुद्धको दोस्रो मात्राको खोप प्राप्त गर्नेको संख्या ११ लाख २९ हजार ९०८ पुगेको मन्त्रालयले जनाएको छ ।