नेप्से दाेहाेराे अंकले बढेपनि कारोबार रकममा भने गिरावट
- गाउँ सहर संवाददाता
- २९ असार मंगलबार, २०७८ | १५:४०:०० मा प्रकाशित

काठमाडौं । मंगलबार नेप्से परिसूचक १६.३४ अंकले बढेर २८७१.०४ विन्दुमा पुगेको छ । प्रतिनिधि सभा पुनर्स्थापनासँग सोमबार घटेको नेप्से परिसूचक मंगलबार भने बढेको छ ।
नेप्से बढेपनि यस दिन कारोबार रकममा भने गिरावट आएको छ । सोमबार करिब १० अर्बको शेयर कारोबार भएको बजारमा यस दिन २२३ कम्पनीको ५३ हजार १३९ पटकको कारोबारमा ५ अर्ब ५४ करोड ६३ लाख रुपैयाँबराबरको १ करोड २३ लाख ४८ हजार कित्ता शेयर खरिदबिक्री भएको छ।
आज १६३ वटा कम्पनीको सेयर मूल्य बढेको छ भने ४६ वटा कम्पनीको सेयर मूल्य ओरालो लागेको छ । त्यसैगरी १४ वटा कम्पनीको सेयर मूल्य स्थिर छ ।
यो दिन सबैभन्दा बढी कमाउने शीर्ष कम्पनीमा सेन्ट्रल फाइनान्स, समृद्धि फाइनान्स, मञ्जुश्री फाइनान्स, प्रोग्रेसिभ फाइनान्स, आइसीएफसी फाइनान्स लगायतका छन् । त्यसैगरी सानिमा लार्ज क्याप फण्ड, सीइडीबी हाइड्रोपावर डेभलपमेन्ट कम्पनी, इन्फिनिटी लघुवित्त, ग्लोवल आइएमई समुन्नत स्किमको सेयर मूल्य घटेको छ ।
कारोबार रकमका आधारमा यस दिन नेपाल बङ्गलादेश बैंक शीर्ष स्थानमा रहेको छ। सो बैंकको यस दिन ४५ करोड ४७ लाख रुपैयाँभन्दा बढीको शेयर खरिदबिक्री भएको छ। त्यस्तै, यस दिन नेपाल लाइफ इन्स्योरेन्सको २३ करोड ३५ लाख रुपैयाँभन्दा बढीको शेयर कारोबार भएको छ।
सोमबार सर्वोच्च अदालतले दिएको संसद पुनस्र्थापना र शेर बहादुर देउवालाई प्रधानमन्त्री बनाउने दिएको आदेशले अबका दिनमा देशको राजनीतिले कस्तो रुप लिन्छ भन्ने अन्योलका कारण लगानीकर्ताहरु सो अवस्थामा पुगेका हुन् । जसले गर्दा लगानीकर्ताहरु अहिले ‘पर्ख र हेर’ को अवस्थामा पुगेको जानकारहरु बताउँछन् ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- घुस काण्डमा मुछिएका मन्त्री गुप्तालाई बर्खास्त गर्न गगन थापाकाे माग
- काठमाडौं महानगरले ल्यायो २५ अर्ब ७६ करोड ४३ लाख रुपैयाँको बजेट
- आज आदिकवि भानुभक्तको २१२औं जन्मजयन्ती मनाइँदै
- एनपीएलको अक्सनका लागि खेलाडी दर्ता खुला
- यस्ताे आयाे आगामी आर्थिक वर्ष २०८२/८३ काे माैद्रिक नीति (पूर्णपाठ)
- विवाह गरेर ३० वर्षभित्र तीन सन्तान पाइसक्न प्रधानमन्त्रीको आग्रह
- आज विश्व जनसङ्ख्या दिवस
- आज गुरु पूर्णिमा र व्यास जयन्ती मनाइँदै
- यस्ताे छ मुलुककाे ११ महिनाकाे स्वास्थ्य अवस्था
- स्थिर रहेकाे नेप्से परिसूचकमा घट्याे काराेबार रकम
प्रतिकृया दिनुहोस