शिक्षा

पढाई नि:शुल्क गर्न माग गर्दै त्रिविमा ‘एमफिल र पीएचडी’ का विद्यार्थीको प्रदर्शन (तस्बीरहरू)

• गाउँ सहर संवाददाता
• १३ असार आइतबार, २०७८ | १६:०३:०० मा प्रकाशित

काठमाडाैं । त्रिभुवन विश्वविद्यालयमा एमफिल र विद्यावारिधी (पीएचडी) को पढाई निःशुल्क गर्न माग गर्दै विद्यार्थीहरुले उपकुलपतिको कार्यालय अगाडि प्रदर्शन गरेका छन् ।

त्रिवि विद्यार्थी संघर्ष समितिले आइतबार कीर्तिपुरस्थित विश्वविद्यालय परिसरमा राज्यको लगानीमा उच्च शिक्षा सुनिश्चित हुनुपर्ने माग राख्दै उपकुलपति कार्यालय अगाडि प्रदर्शन गरेका हुन् ।

उनीहरुले एमफिल र पीएचडीको पढाईलाई वैज्ञानिक र नियमित बनाउनसमेत माग गरेका छन् । ग्राजुएट स्कुल अफ सोसल साइन्सको पनि माग राख्दै प्रदर्शन गरिएको विद्यार्थीहरुले जनाएका छन् ।

प्रदर्शनमा उत्रेका विद्यार्थीहरुले निजी शैक्षिक संस्थामा जाने अवस्था नबनाउन र विश्वविद्यालयलाई राजनीतिको अखडा नबनाउन माग गरेका छन् ।