गाउँ सहर

कान्छीमाया तामाङ फाउन्डेसनद्वारा मेलम्चीका बाढी पीडितलाई राहत वितरण 

सिन्धुपाल्चाेक । मेलम्चीमा बाढीबाट पीडित परेकाहरुलाई कान्छीमाया तामाङ फाउन्डेसनको सहयोगमा कालीजंग गणका मेजर मानबहादुर शाहीको हातबाट राहतसहित स्वास्थ्य सामग्री हस्तान्तरण गरेको छ। 

बाढी पहिरोबाट समस्या झेलिरहेका हेलम्बु, चनौटे, तिम्बु, यांग्रीतिर नेपाल आर्मीको हेलिकप्टरले लगेर वितरण गरेको युवा समाजसेवी कल्याण ढुंगानाले बताए । 

राहत बितरणमा फाउण्डेशनका अध्यक्ष डा. दिलबहादुर थोकर तामाङ  र धुलिखेल अस्पताल बाहुनेपाटी शाखाका प्रमुख डा. अमिर श्रेष्ठको सहभागिता रहेको थियो । 

राहत वितरणमा ५० बोरा चामल, ४ काटुन तेल, अक्सिजन कन्सेन्ट्रेटर १ थान लगायत ५० घरधुरीलाई पुग्ने गरी खाद्यान्न वितरण उक्त फाउन्डेसनका अध्यक्ष डा. तामाङले  जानकारी दिए ।

गाउँ सहर संवाददाता