अर्थतन्त्र

कोरोना प्रभावित उद्यम उद्धारमा ध्यान देऊ - केन्द्रीय उद्यमशील विभाग, विवेकशील साझा पार्टी

काठमाडाैँ । सङ्घीय सरकारको बजेट तथा प्रदेश सरकारहरूले बजेटमा  कोरोना महामारीबाट प्रभावित उद्यमीहरूको उत्थान र उद्धारका लागि कुनै कदम नचालिएकोप्रति विवेकशील साझा पार्टीले गम्भीर ध्यानाकर्षण भएको बताएकाे छ ।

उसले विज्ञप्ति जारी गरी सङ्घीय सरकारको बजेटमा परेका उद्यमी केन्द्रित कार्यक्रमको यथाशीघ्र कार्यान्वयनसँगै, प्रदेश सरकार र स्थानीय सरकारहरूलाई पनि उद्यमीहरूको स्थिति अध्ययन गर्न र तत्अनुरूपका कार्यक्रम ल्याउन अनुरोध गरेकाे छ ।

केन्द्रीय उद्यमशील विभाग प्रमुख आशुतोष प्रधानद्वारा जारी विज्ञप्तिमा बन्दाबन्दीको समयमा सम्पूर्ण साना-मझौला उद्योग तथा उद्यमीहरूका लागि समेत विशेष परियोजना र राहत प्याकेज ल्याउन जोडदार अपिल गरिएकाे छ ।

विज्ञप्तिमा भनिएकाे छ, "यस्ता सहायता परियोजना ल्याउँदा व्यवसाय नवीकरणमा छुट, बैङ्क ऋण तिर्ने समय थप तथा ऋण मोचन, नव उद्यमीहरूलाई न्यून ब्याजदरमा ऋण प्रदान लगायतका विषय समेट्न जरुरी छ । पूर्ण क्षति व्यहोरेका कतिपय नव-उद्यमीहरूलाई तिनै तहका सरकारको समन्वयमा संरक्षणको नीति र कार्यक्रम लिएर आउन हामी विनम्र अनुरोध गर्दछौँ ।"

गाउँ सहर संवाददाता

तपाईँको मत