गाउँ सहर

काेभिडबिरूद्ध खाेप लगाउनेकाे शरीर के साँच्चिकै चुम्बकीय बन्छ ?

काठमाडौं । केही दिनदेखि कोभिड–१९ विरुद्धको खोप लगाएपछि शरीरमा चुम्बकीय शक्ति देखिएकाे भन्दै सामाजिक सञ्जालमा तस्बिर/ भिडियाेहरू सार्वजनिक भइरहेका छन् । के खाेप लगाएकाे ठाउँमा साँच्चिकै चुम्बकीय बन्छ त ?

खाेपका सम्बन्धमा विभिन्न किसिमका टिकाटिप्णी भइरहेका छन् । भारतमा एक व्यक्तिले काेराेना भ्याक्सिनका कारण आफ्नाे शरीरमा स्टिलका सामग्री टाँसिन थालेकाे बताएका छन् । 

भारत नासिकका अरविन्द सोनारका अनुसार भ्याक्सिनको दुई डोज लगाएपछि उनको शरीरले चुम्बक झैं काम गरिरहेको छ । तर विज्ञहरुले भने भ्याक्सिनका कारण यस्तो भएकाे हाेइन । 

कोभिड–१९ विरुद्धको खोप सुरक्षित र प्रभावकारी रहेको र यसले मानव स्वास्थ्यमा कुनै प्रतिकूल असर नगर्ने राष्ट्रिय स्वास्थ्य शिक्षा, सूचना तथा सञ्चार केन्द्रले जनाएको छ ।

स्वास्थ्य तथा जनसंख्या मन्त्रालयअन्तर्गतको केन्द्रले खोपका विषयमा फैलिएका अनेक अफवाहमा विश्वास नगर्न आग्रह गरेको हो । कोभिड–१९ विरुद्धको खोपमा कुनै प्रकारको धातु वा माइक्रोचिपहरू नहुने केन्द्रले जनाएको छ ।

“कोभिड–१९ को खोपहरूमा कुनै प्रकारको धातु वा माइक्रोचिपहरू हुँदैन । त्यसैले यस्ता अफवाहको विश्वास नगरौँ । कोमिड–१९ को खोप सुरक्षित र प्रभावकारी छ र यसले हाम्रो स्वास्थ्यमा कुनै प्रतिकूल असर गर्दैन,” केन्द्रद्वारा जारी सन्देशमा भनिएको छ ।

कोभिड भ्याक्सिन र शरीरमा स्टिल र फलामका सामान टाँस्सिनुमा कुनै सम्बन्ध नरहेकाे यसलाई भ्याक्सिनसँग जोडेर हेरिनु हुँदैन र भ्याक्सिनमा त्यस्तो कुनै पनि चिज नहुने विज्ञहरूकाे भनाइ  छ। 

 

गाउँ सहर संवाददाता

तपाईँको मत