दिगोविकास

गृहमन्त्रीमा खगराज अधिकारीसहित नयाँ मन्त्री थप्दै प्रधानमन्त्री

• गाउँ सहर संवाददाता
• २७ जेठ बिहीबार, २०७८ | १२:०५:०० मा प्रकाशित

काठमाडाैं । प्रधानमन्त्री केपी शर्मा ओलीले बिहीबार मन्त्रिपरिषद् विस्तार गर्ने भएका छन् ।

खाली रहेका मन्त्रालयहरूमा प्रधानमन्त्री ओलीले बिहीबार सात मन्त्री र एक राज्यमन्त्री नियुक्त गर्न लागेका हुन् । गृह, सञ्चार, कृषि, उद्योग, सामान्य प्रशासन मन्त्रालय प्रधानमन्त्री ओलीले मन्त्री नियुक्त गर्न लागेका हुन् ।

स्रोतका अनुसार गृह मन्त्रीमा खगराज अधिकारी नियुक्त हुन लागेका छन् । नैनकला थापा- सन्चारमन्त्री, नारदमुनी राना- वनमन्त्री, ज्वालाकुमारी साह- कृषि मन्त्री, राजकिशोर यादव- उद्योग मन्त्री, गणेश पहाडी- सामान्य प्रशासन मन्त्री र मोहन वानियाँ- विनाविभागीय र आशा विक- वन राज्यमन्त्रीमा नियुक्त हुन लागेका छन् । 

 

नवनियुक्त मन्त्रीहरूले आजै साँझ सपथ लिने जनाएको छ । 

पछिल्लो पटक जेठ २१ गतेपनि प्रधानमन्त्री ओलीले जसपासमेतलाई समेटेर मन्त्रिमण्डल विस्तार गरेका थिए ।