अर्थतन्त्र

शेयरबजारमा दाेहाेराे अंककाे गिरावटसँगै काराेबार रकम पनि ह्वात्तै घट्याे

काठमााडौं । साेमबार घटेकाे शेयरबजार मंगलबार पनि अधिकांश कम्पनीको सेयर मूल्यमा ओरालो लागेको छ । यसदिन नेप्से सूचकसँगै कारोबार रकममा पनि गिरावट देखिएको छ । सोमबार ४५ अंकको गिरावट आएको बजारमा मंगलबार पनि ११ अंकले घटेको छ ।

यस दिन नेप्से सूचक ११.६८ अंकले घटेर २७७१.१५ विन्दुमा झरेको छ भने सेन्सेटिभ इन्डेक्स पनि ३.२३ अंकले घटेर ४९७.३२ विन्दुमा झरेको छ ।

आज १ करोड ९७ लाख ८३ हजार ३५४ कित्ता सेयर ८ अर्ब ५९ करोड ८१ लाख ६० हजार ११७ रुपैयाँमा कारोबार भएको छ । साेमबार १३ अर्ब ३६ करोड ७९ लाख ४१ हजार ९५६ रुपैयाँमा कारोबार भएको थियाे ।

६६ वटा कम्पनीको सेयर मूल्य बढेको छ भने १४४ वटा कम्पनीको सेयर मूल्यमा गिरावट देखिएको छ । साथै ५ वटा कम्पनीको सेयर मूल्य स्थिर छ ।

यस दिन कालिका पावर कम्पनी, लुम्बिनी विकास बैंक, गोर्खाज फाइनान्स, समिट लघुवित्त, महालक्ष्मी विकास बैंक र नेपाल पुनर्बिमा कम्पनीको शेयरमूल्य बढेको छ भने दिब्यश्वरी हाइड्रोपावरको शेयरमूल्य सबैभन्दा धेरै घटेको । खानीखोला हाइड्रोपावर, जोशी हाइड्रोपावर र आँखु खोला हाइड्रो लगायतकाे शेयरमूल्य घटेको छ ।

यस दिन नेपाल पुनर्बीमा कम्पनीको सबैभन्दा धेरै ५७ करोड ८ लाख रुपैयाँ बराबरको शेयर कारोबार भएको छ ।

गाउँ सहर संवाददाता

तपाईँको मत