स्वास्थ्य

थप ६२०५ जना संक्रमणमुक्त, ४३६९ जनामा कोरोना पुष्टि, १०९ जनाको मृत्यु

• गाउँ सहर संवाददाता
• १६ जेठ आइतबार, २०७८ | १७:१६:०० मा प्रकाशित

काठमाडाैं । नेपालमा पछिल्लो २४ घण्टामा थप ४ हजार ३६९ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा कोरोना भाइरसको संक्रमणबाट १०९ जनाको मृत्यु भएको छ ।

यस्तै पछिल्लो २४ घण्टामा ६ हजार २०५ जना कोरोना संक्रमति डिस्चार्ज भएका छन् ।

हाल देशभर सक्रिय संक्रमितको संख्या १ लाख ८ हजार ८ सय ९७ रहेको स्वास्थ्य मन्त्रालयले जनाएको छ ।

मन्त्रालयका अनुसार गत २४ घण्टामा १० हजार ९ सय ८६ पीसीआर र १ हजार ७ सय ८४ एन्टिजेन परीक्षण भएको छ ।