फोटो

रातो मत्स्येन्द्रनाथलाई बुंगमती फिर्ता लगियाे

• गाउँ सहर संवाददाता
• ५ जेठ बुधबार, २०७८ | २२:२५:०० मा प्रकाशित

काठमाडाैं । वर्षा र सहकालका देवता रातो मत्स्येन्द्रनाथ (बुंगद्यः) बुधबार बुंगमती  पुर्‍याइएकाे  छ । 

गत मङ्सिरमा रातो मत्स्येन्द्रनाथलाई बुङ्मतीबाट पाटनको तःबहाल मन्दिरमा ल्याएर राखिएको थियो । यही जेठ १ गते पुल्चोकको दमकलचोकस्थित जोगाम्बर पीठबाट २५ मिटर सोह्रखुट्टे पाटीसम्म रथ तानेर परम्परा धान्ने काम सम्पन्न गरिएको थियो ।

लगनखेलको इटी टोलबाट तानेर ल्याएको चौथो दिनमा भोटो जात्रा गरेर मात्रै बुंगमती लग्ने परम्परा रहेकोता पनि दोस्रो लहरको कोरोना भाइरस संक्रमणका कारण भोटोजात्रा नगरी नै रातो मत्स्येन्द्रनाथलाई बुंगमती फिर्ता लगिएको हो ।