गाउँ सहर

चक्रवात ताउ-ते “TaukTae” ले २२ काे ज्यान लियाे, ६३ अझै बेपत्ता

• गाउँ सहर संवाददाता
• ५ जेठ बुधबार, २०७८ | २०:०४:०० मा प्रकाशित

काठमाडाैँ । भारतमा चक्रवात ताउ-ते “TaukTae” अहिले कमजाेर भएपनि साेमबार महाराष्ट्र हुँदै तबाहीकाे रूप लिएकाे छ । जहाजहरू समुन्द्रमा अड्किएका कारण जहाज बर्ज पी ३०५ डुबेकाे थियाे । जसमा सवार २७३ थिए । नौसेनाका अनुसार २२ जनाको शव फेला परेको छ र ६३ जना अझै हराइरहेका छन् ।

१३७ काे उद्धार गरिएको छ । २०२ व्यक्ति बार्ज एसएस-र १०१ सागर भूषणमा फसेका छन् । नौसेनाका अनुसार - यी सबै व्यक्तिहरू सुरक्षित छन् र खाना र पानी जस्ता चीजहरू प्रदान गरिएको छ । ओएनसीजीको सहयोगमा यी जहाजहरू फिर्ता ल्याउन प्रयासहरू भइरहेकाे त्यहाँका सञ्चारमाध्यमले बताएका छन् ।