वातावरण

जल तथा मौसम विज्ञान विभागकाे विशेष बुलेटिन, शक्तिशाली चक्रावत, असर नेपालको भूभागमा पर्ने

काठमाडाैँ । जल तथा मौसम विज्ञान विभागले विशेष बुलेटिन प्रकाशित गर्दै शक्तिशाली चक्रावत थप विकशित हुने क्रम रहेकाे बताएकाे छ ।

२०७८/०२/०२ साँझ ०६:०० बजे) बुलेटिनमा उसले साे कुरा बताएकाे हाे ।

उसले भनेकाे छ - हाल पूर्वीमध्य अरब सागरमा रहेको अति शक्तिशाली चक्रवात “TaukTae”  अझ jlकशित हुने क्रममा रहेको छ । उक्त चक्रवात हाल उत्तर-उत्तरपश्चिम तिर बढ्ने क्रममा रहेको छ । उक्त चक्रवातको प्रत्यक्ष प्रभाब नेपालमा नपरेतापनि केहि असर नेपालको भूभागमा पर्ने सम्भावना रहेको छ ।

सो प्रणालीका कारण मंगलबारबाट देशका धेरै स्थानहरूमा सामान्य देखी पूर्ण बदलीको सम्भावना रहेको छ । साथै बुधबार बेलुकाबाट शुक्रबारसम्म कर्णाली प्रदेश, सुदूरपश्चिम प्रदेश, गण्डकी प्रदेश र लुम्बिनी प्रदेशका धेरै स्थानहरुमा हल्का देखि मध्यम वर्षा र थोरै स्थानहरूमा भारी वर्षाको समेत सम्भावना रहेको छ । प्रदेश १, प्रदेश २ र  बागमती प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ । यो सिजनमा मेघगर्जन / चट्याङ /हावाहुरी र असिना-पानीकोसमेत सम्भावना रहेकोले आवश्यक सतर्कता अपनाउनु हुन अनुरोध छ ।

सो अवधिमा उच्च हिमाली भू-भागमा पर्वतारोहण नगर्न तथा नगराउन हुन विभागले अनुरोध गरेकाे छ ।

गाउँ सहर संवाददाता