प्रेरणा

काेराेनामा लायन्स सेवा : अक्सिजन थेरापीदेखि स्वास्थ्य सामाग्री सहयाेगमा सक्रिय

काठमाडौं । विश्वभरी महामारी काेराेनाभाइरस नेपालमा पनि संक्रमण उच्चदरमा फैलिरहेकाे बेला यसबाट बच्न सघाउ पुगाेस् भनेर लायन्स क्लबले स्वास्थ्य सामाग्री सहयाेग गरेकाे छ ।  

लायन्स क्लब इन्टरनेसनल डिस्ट्रिक ३२५ ए-१ ले शनिवार काठमाडाैं महानगरीय प्रहरी प्रभाग साँखुमा सात शैयासहित विभिन्न स्वास्थ्य सामग्री सहयाेग गरेकाे हाे ।

लायन्स क्लबले साँखुको प्रहरी कार्यलय प्रमुख प्रहरी निरीक्षक जानुकादेवी खरेललाई आइसोलेसन निर्माणको लागि सात वटा बेड, डस्ना, सिरानी, तन्ना र पाँच सेट पीपीई हस्तान्तरण गरिएकाे पूर्व डिस्ट्रिक गभर्नर तथा हालका मल्टिपल डिस्ट्रिक- जीएसटि (ग्लाेबल सर्भिस टिम) कोअर्डिनेटर लायन अनन्त प्रसाद भेटुवाल जानकारी दिए । 

महामारीको समयमा अग्रपंक्तिमा खटिने सुरक्षाकर्मीहरु तथा कारागारमा रहेका कैदीबन्दीहरु समेत संक्रमित हुन थालेपछि उनीहरूकाे सुरक्षाकाे लागि उक्त स्वास्थ्य सामाग्री सहयाेग गरिएकाे भेटुवालले बताए । 

डिस्ट्रिक्ट ३२५ ए१ काठमाडौंका विभिन्न स्थानहरुमा सेमि-आइसियू निर्माण गर्न नगरपालिकाहरुसँग सहकार्य गरेर थप सेवा गर्न लागिपरेकाे उनले जानकारी दिए । 

भेटुवालले भने, "लायन्स क्लबले कोरोना भाइरसको दोश्रो लहरको डर लाग्दो अवस्था र सरकारद्वारा घोषित निषेधाज्ञाको समयमा पनि संक्रमितहरुको लागि अक्सिजन थेरापी सञ्चालनका लागि लायन्स लिडर खगेन्द्र सिटौलाको अगुवाइमा काठमाडाैंकाे गाेकर्णेश्वर र चन्द्रागिरि नगरपालिकामा निर्माण कार्य भइरहेकाे छ । चन्द्रागिरि नगरपालिकाकाे प्राथमिक अस्पतालमा ३० देखि ४० शैय्यामा अक्सिजन सुविधासहित उपलब्ध गराउन लागि परेका छाैँ ।"

भेटुवालले हालको विषम् परिस्थितिमा लायन्स सदस्यहरूमाथि थप जिम्मेवारी र सेवाकाे अवसर आएकाे बताउँदै सुरक्षित भएर यस अभियानमा जाेडिन अपिल गरेका छन् ।

उनले महामारीकाे बेला स्वस्फूर्त सहभागी हुन र सहयाेगका लागि अनुराेध गरेका छन् । 

गाउँ सहर संवाददाता

तपाईँको मत