गाउँ सहर

सेनाकाे सक्रियता : अवकाशप्राप्त सैनिकलाई तयारी अवस्थामा रहन निर्देशन

• गाउँ सहर संवाददाता
• २२ बैशाख बुधबार, २०७८ | १९:१२:०० मा प्रकाशित

काठमाडौं । देशभर कोरोना संक्रमण बढ्दै गएपछि नेपाली सेनाले थप सक्रियता देखाएको छ ।

कोरोना संक्रमणबाट मृत्यु भएकाको शव व्यवस्थापनदेखि क्वारेन्टाइन र आइसोलेसन व्यवस्थापनमा खटिएको सेनाले अवकास प्राप्त स्वास्थ्यकर्मीलाई  बोलाउने भएको छ ।

प्रधान सेनापति पूर्णचन्द्र थापाको अध्यक्षतामा बसेको बैठकले मिति २०७२ सालभन्दा पछाडी नेपाली सेनाको स्वास्थ्य सेवाबाट अवकाश प्राप्त गरेका स्वास्थ्यकर्मीहरुलाई तयारी हालतमा रहन निर्देशन दिएको सेनाका प्रवक्ता सन्तोषबल्लब पौडेलले बताए ।

राष्ट्रलाई आवश्यक परेको बखत बोलाउन सक्ने गरी तयारी हालतमा रहन सक्ने गरी तयार रहन भनिएको समेत उनले उल्लेख गरेका छन् ।

पछिल्लो केही दिनयता देशभर कोरोना संक्रमितको सङ्ख्या ह्वातै बढेको छ। देशभरका अस्पतालमा संक्रमितलाई राख्ने बेड तथा चेक तथा रेखदेख गर्न स्वास्थ्यकर्मीको अभाव हुन थालेको छ ।