विद्युत

एक महिनाभित्र डेडिकेटेड र ट्रंकलाइनको १० अर्ब बक्यौता उठाउन लेखा समितिकाे निर्देशन

संसद्को सार्वजनिक लेखा समितिले उद्योगी व्यवसायीले डेडिकेटेड र ट्रंंकलाइन मार्फत उपभोग गरेको विद्युतको बक्यौता रकम एक महिनाभित्र उठाउन निर्देशन दिएको छ ।

समितिको आइतबार बसेको बैठकले सरकारलाई उक्त निर्देशन दिएको हो ।

उद्योगी व्यवसायीले यी डेडिकेटेड र ट्रंंकलाइन प्रयोग वापतको विद्युत महशुल करिब १० अर्ब तिर्न बाँकी रहेको छ ।

लेखा समितिले डेडिकेटेड र ट्रंंकलाइनका सम्बन्धमा कांग्रेस सांसद मीनेन्द्र रिजालको नेतृत्वमा गठन गरेको उपसमितिको प्रतिवेदन पास गर्दै बक्यौता उठाउने समयावधि निर्धारण गरेको हो ।

डेडिकेटेड र ट्रंक लाइनको शूल्कमा विद्युत प्राधिकरण र व्यवसायीबीच लामो समयदेखि विवाद हुँदै आएको छ ।

प्राधिकरणका अनुसार २०७५ चैत मसान्तसम्ममा २३९ ग्राहकले डेडिकेटेड र ६९ ग्राहकले ट्रंक लाइनमार्फत् बिजुलीको अतिरिक्त सुविधा लिएका थिए । त्यसमा डेडिकेटेडभन्दा ट्रंक लाइनमा बढी समस्या छ ।

गाउँ सहर संवाददाता