गाउँ सहर

कन्टेनरले ठक्कर दिँदा माेटरसाइकल चालककाे मृत्यु

काठमाडाैं । ललितपुरमा माेटरसाइकल दुर्घटनामा परि एक जनाकाे मृत्यु भएकाे छ । 

नख्खुदोबाटोमा गएराति साढे ९ बजे ना २ ख ७५८३ नम्बरको कन्टेनरले प्रदेश नम्बर ३-०२-०१८ प ८३६९ नम्बरको मोटरसाइकललाई ठक्कर दिँदा मोटरसाइकल चालक कास्की घर भएर ललितपुरको बागडोल बस्ने ३७ वर्षका गणेशप्रसाद अधिकारीको ज्यान गएको प्रहरीले जनाएको छ ।

मोटरसाइकलको पछाडि बसेका  ललितपुर शोभाहिटीका ३२ वर्षका रवि श्रेष्ठ घाइते भएका छन् । उनको नर्भिक अस्पतालमा उपचार भइरहेको छ । कन्टेनर चालकलाई प्रहरीले पक्राउ गरेको छ । 

गाउँ सहर संवाददाता