गाउँ सहर

रामेछापकाे सुनापति गाउँपालिकाद्वारा रेडक्रसलाई एम्बुलेन्स र शवबाहन हस्तान्तरण

रामेछाप । सुनापति गाउँपालिकाले रेडक्रस सोसाइटी हिलेदेबी उप-शाखालाई एम्बुलेन्स र शवबाहन हस्तान्तरण गरेकाे छ । 

शनिवार सुनापति गाउँपालिकामा आयोजित कार्यक्रममा रामेछापका प्रतिनिधि सभा सदस्य श्याम कुमार श्रेष्ठले साँचाे हस्तान्तरण गरेका हुन् । 

स्थानीय पूर्वाधार विकास साझेदारी कार्यक्रम अन्तर्गत एम्बुलेन्स र शवबाहनकाे व्यवस्थापन गर्ने गरि रेडक्रस सोसाइटी हिलेदेबी उप-शाखाका अध्यक्ष पासाङ लामालाई श्रेष्ठ साँचो हस्तान्तरण गरेका हुन् ।

एम्बुलेन्स सेवा सुनापतिगाउँपालिका अन्तर्गतका ५ वटै वडामा समान र न्यूनतम  शुल्क (भाडा) कायम हुने र पालिका भन्दा बाहिर भने दूरीको आधारमा न्यूनतम (भाडा) कायम हुने गाउँ पालिका अध्यक्ष धावा लामाले जानकारी दिए ।

नेकपा बागमती प्रदेश सदस्य टंकलाल घिसिङले एम्बुलेन्स सेवाको निरन्तरतामा जोड दिए ।

सुनापति गाउँपालिका प्रमुख प्रशासकीय अधिकृत राममणि काफ्लेले विभिन्न तह र निकायको समन्वयमा एम्बुलेन्स सेवा सुचारु भएको जानकारी गराए ।

हस्तान्तरण कार्यक्रममा वडा अध्यक्षहरु, गाउँसभा सदस्यहरु, कर्मचारी लागायत स्थानीयबासीहरुको उपस्थिति रहेको थियो ।

गाउँ सहर संवाददाता

तपाईँको मत