स्वास्थ्य

नेपालले किनेकाे कोरोनाविरुद्धको १० लाख डोज खोप नेपाल आइपुग्याे

• गाउँ सहर संवाददाता
• ९ फाल्गुण आइतबार, २०७७ | १६:२८:०० मा प्रकाशित

काठमाडाैं । नेपाल सरकारले भारतबाट खरिद गरेको कोरोनाविरुद्धको १० लाख डोज खोप नेपाल आइपुगेको छ ।

एअर इण्डियाकाे विमानमार्फत दिउँसो २ बजे खोप नेपाल आइपुगेको स्वास्थ्य तथा जनसङ्ख्या मन्त्रालयका सहप्रवत्ता डाक्टर समीर अधिकारीले जानकारी दिए ।

आइतबार एयर इन्डिया दिल्लीको विमानबाट सेरम इन्स्टिच्युट अफ इन्डियाबाट उत्पादित १० लाख डोज ‘कोभिशिल्ड’ खोप काठमाडौंको त्रिभुवन अन्तर्राष्ट्रिय विमानस्थलमा आइपुगेको हो ।

२० लाख डोज खोप किन्ने सहमतिअनुसार आइतबार १० लाख डोज खोप नेपाल आइपुगेको हो । बाँकी खोप उत्पादक कम्पनीले स्वास्थ्य सेवा विभागले प्रस्ताव गर्ने आपूर्ति तालिकाअनुसार चाँडै नै प्राप्त गर्ने मन्त्रालयका सहप्रवक्ता अधिकारीकाे भनाइ छ ।

काठमाडाैं आइपुगेको १० लाख डोज खोपलाई टेकुमा रहेको चिस्यान केन्द्रमा भण्डारण गरिनेछ ।