स्वास्थ्य

चिनियाँ खोप ‘भेरो सेल’ ले नेपालमा आपतकालीन प्रयोगको लागि पायाे अनुमति

• गाउँ सहर संवाददाता
• ६ फाल्गुण बिहीबार, २०७७ | ०८:४९:०० मा प्रकाशित

काठमाडौं । सरकारले कोरोना भाइरसविरूद्धको चिनियाँ खोप चाइनिज सिनोफार्म कम्पनीले बनाएको ‘भेरो सेल’ खोपलाई आपतकालीन प्रयोगको अनुमति दिइएको छ । 

औषधि व्यवस्था विभागले कोरोना भाइरसविरूद्धको चिनियाँ खोप ‘भेरो सेल’ लाई नेपालमा आपतकालीन प्रयोगका लागि अनुमति दिएको हाे ।

चिनियाँ कम्पनी सिनोफार्म कम्पनीले बनाएको उक्त खोपलाई औषधि व्यवस्था विभागले बुधबार अनुमति दिएको हो ।

बेइजिङ इन्स्टिच्युट बायोलिजकलबाट उत्पादन भइरहेको यो खोपको चीनमा पनि आपतकालीन प्रयोगको अनुमति दिइएको छ ।

नेपालमा अक्सफोर्ड एस्ट्राजेनेकाले विकसित गरेको र भारतले  उत्पादन गरेको कोरोनाविरुद्ध खोप ‘कोभिसिल्ड’ले प्रयोगको अनुमति पाइसकेको छ । भारतले यसको १० लाख डोज अनुदानमा नेपाललाई प्रदान गरेपछि अहिले नेपालमा यो खोप लगाउने क्रम जारी छ ।