स्वास्थ्य

पछिल्लाे २४ घण्टामा २९४६ जनाको पीसीआर परीक्षण गर्दा थप १७१ जनामा संक्रमण पुष्टि, २५९ जना निकाे

• गाउँ सहर संवाददाता
• २० माघ मंगलबार, २०७७ | १६:४३:०० मा प्रकाशित

काठमाडौं । मुलुकभर पछिल्लो २४ घण्टामा कोरोना संक्रमणका कारण एकजनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या दुई हजार ३० पुगेको छ ।

गएको २४ घण्टामा दुई हजार ९४६ जनाको पीसीआर परीक्षण गरिएकोमा १७१ जनाको रिपोर्ट पोजेटिभ आएको छ । योसँगै नेपालमा कोरोना संक्रमितको संख्या दुई लाख ७१ हजार २८९ पुगेको छ ।

त्यस्तै, पछिल्लो २४ घण्टामा २५९ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ६६ हजार ८५९ पुगेको छ । हाल क्वारेन्टिनमा ९५ जना छन् भने आइसोलेसनमा दुई हजार ४०० जना रहेका स्वास्थ्य तथा जनसंख्या मन्त्रालयले जनाएको छ ।