अर्थतन्त्र

साताको दोस्रो दिन शेयरबजारमा हरियाली

काठमाडौं । नेपाल स्टक एक्सचेञ्ज (नेप्से) साताको दोस्रो दिन आज (सोमबार) हरियाली छाएको छ ।  

नेप्सेका अनुसार आज नेप्से ३७.७० अंकले बढेर दुई हजार चार सय ८ दशमलब २४ विन्दुमा पुगेको छ भने झण्डै ७ अर्बको कारोबार भएको छ ।

त्यस्तै, आज कारोबार भएका कूल १२ उपसमूहमध्ये माइक्रोफाइनान्स र म्युचुअल फण्डबाहेक अन्य सबै समूह बढेका छन् । आज १० कम्पनीको शेयर मूल्यमा उच्च बृद्धि भएको छ । 

निरन्तर सुधारउन्मुख रहेको शेयर बजार दुई दिनको करेक्शन पश्चात सुधारको लयमा देखिएको छ । दुई दिनमा ७० अंक ओरालो लागेको नेप्सेमा सोमबार करिब ३८ अंकको सुधार आएको छ । गत बिहीबार १६.५५ अंकले झरेको नेप्से आइतबार ५४.७५ अंकले ओरालो लागेको थियो ।

यसदिन ६ अर्ब ९७ करोड रुपैयाँभन्दा बढीको कारोबार भएको बजारमा २०३ कम्पनीको १ करोड ३३ लाख ११ हजारभन्दा बढी कित्ता शेयर किनबेच भएकाे छ ।

झण्डै एकदर्जन कम्पनीको शेयरमूल्य सर्किट लेभलमा बढेको छ ।

गाउँ सहर संवाददाता

तपाईँको मत