अर्थतन्त्र

सेयर बजारमा दोहोरो अंकको गिरावट, काराेबार पनि ५ अर्बमै सीमित

• गाउँ सहर संवाददाता
• २१ जेठ बुधबार, २०८२ | १५:४०:०० मा प्रकाशित

काठमाडौं । सेयर बजारमा दोहोरो अंकको गिरावट आएको छ । बुधबार सेयर बजार सूचक नेपाल स्टक एक्सचेञ्ज (नेप्से) ११.९७ अंकले घटेर २६४६.९५ विन्दुमा सीमित भएको छ ।

अघिल्लो कारोबार दिन मंगलबार पनि नेप्से ३५.७३ अंकले घटेर २६५८ विन्दुमा रोकिएको थियो ।

बुधबार नेप्सेमा कुल ५ अर्ब १६ करोड रुपैयाँ बराबरको मात्रै कारोबार भएको छ । अघिल्लो कारोबार दिन मंगलबार भने नेप्सेमा कुल ६ अर्ब ४६ करोड रुपैयाँ बराबरको कारोबार भएको थियो ।

बुधबार कारोबारमा आएकामध्ये ६६ कम्पनीको सेयर मूल्य बढ्दा १८१ कम्पनीको घटेको छ । यस्तै, १ कम्पनीको सेयर मूल्य भने स्थिर छ ।

आज ओम मेगाश्री र पियोर इनर्जीको सेयर मूल्यमा सकारात्मक सर्किट लाग्दा अधिकांश सूचक राताम्य भएका छन् ।