राजनीति

राप्रपाद्वारा ‘हाम्रो राजा आउँदैछन्, नारायणहिटी खाली गर’ भन्दै विराेध प्रदर्शन, सवारी आवागमन अस्तव्यस्त

• गाउँ सहर संवाददाता
• २१ फाल्गुण बुधबार, २०८१ | १४:५७:०० मा प्रकाशित

काठमाडौँ । राष्ट्रिय प्रजातन्त्र पार्टी (राप्रपा) ले बुधबार काठमाडाैँमा विरोध प्रदर्शन गरेकाे छ । साे विराेधमा मेडिकल व्यवसायी दुर्गा प्रसाईँपनि देखिएका छन् । राप्रपाले राजतन्त्रको समर्थनमा विरोध प्रदर्शनसहित मोटरसाइकल र्‍याली गरेको थियो ।

नारायणहिटीबाट सुरु भएको मोटरसाइकल र्‍यालीमा राप्रपा अध्यक्ष राजेन्द्र लिङ्देनसहित शीर्ष नेताहरुको समेत सहभागिता रहेको थियो । सो क्रममा मेडिकल व्यवसायी प्रसाईँ समेत सहभागि भएका हुन् । उनी अध्यक्ष लिङ्देनसहितका शीर्ष नेताहरुको साथमा देखिँदा राप्रपाका नेता कार्यकर्ताहरुले स्वागतमा नाराबाजी गरेका थिए ।

विराेध सभामा राप्रपाले ‘हाम्रो राजा आउँदैछन्, नारायणहिटी खाली गर’ भन्दै नाराबाजी गरेको थियो ।

माोटरसाइकल र्यालीका कारण काठमाडौँका सवारी आवागमन अस्तव्यस्त भएको थियाे । राप्रपाका अधिकांश नेता तथा कार्यकर्ताहरू नेपालको राष्ट्रिय झन्डा बोकेर र्यालीमा सहभागी हुँदा रिङरोड भित्रका सडक अस्तव्यस्त भएका थिए ।

र्याली कोटेश्वर, बौद्ध, सुकेधारा, बसुन्धारा, बालाजु र कलंकी क्षेत्र, बबरमहल, माइतीघर मण्डला, थापाथली, त्रिपुरेश्वर, सुन्धारा, भोटाहिटी, जमल, दरबारमार्ग हुँदै नारायणहिटी दरबार संग्रहालय अगाडि पुगेर समापन भएको थियो ।