कला

लघुकथा : व्यापार

• नारायणप्रसाद निराैला
• १३ पौष शनिबार, २०८१ | ०६:५२:०० मा प्रकाशित

~ नानि भारद्वज

"यहाँ एक चिम्टी हाँसो पाइन्छ हजुर ?" पसलको साहुलाई सोधेँ ।

" किन चाहियो हाँसो ?" साहुले तुरुन्तै प्रतिप्रश्न गरे।

" म पनि जीवनमा अलिकति हाँसो चाखौं कि भनेर, हजुर !"

"यहाँ हाँसो जोसुकैले पाउँदैन महोदय !"

" मैले नपाए कसले पाउँछ त हजुर ?"

"आँट र गाँठले मात्रै पाउँछ।"

" आँट त त्यति छैन तर जीवनभर दुःख गरेर भेला पारेको अलकति गाँठ चैं छ, हजुर !"

" के कति छ ल्याउँ ?"

" यो मेरो इमानदारिता, यो नैतिकता र यो मेहनत जम्मा तीन गाँठ छन्, हजुर !" मैले आजसम्म आर्जन गरेकोे सर्वस्व सुम्पँदै भनें।

साहुको मुनाफाखोर ग्रन्थीले उत्तेजित हुँदै भन्यो,

" यो पुँजीवादी राज्यसत्ताको सरंक्षणमा रहेको बजार हो महोदय, यहाँ हाँसो भन्दा आँसु सस्तो पाइन्छ।"