खेल

नेपाली फुटबल टोलीको मुख्य प्रशिक्षकमा अष्ट्रेलियाका म्याट रस

• गाउँ सहर संवाददाता
• १८ फाल्गुण आइतबार, २०८१ | १५:२१:०० मा प्रकाशित

काठमाडौं । अष्ट्रेलियाका म्याट रस नेपाली पुरुष फुटबल टीमको मुख्य प्रशिक्षक नियुक्त भएका छन् ।

अखिल नेपाल फुटबल संघ (एन्फा) का महासचिव किरण राईले मुख्य प्रशिक्षक म्याटलाई स्वागत गरेका हुन् ।

म्याटलाई एक वर्षका लागि नेपाली टोलीको मुख्य प्रशिक्षक नियुक्त गरिएको एन्फाका प्रवक्ता सुरेश शाहले जानकारी दिए । ४ सय बढी आवेदनबाट सर्टलिष्ट गर्दे टप ५ निकालिएको र टप ५ बाट म्याट छानिएको शाहले बताए ।

म्याटसँग यसअघि दक्षिण कोरियाको महिला टोलीको सहायक प्रशिक्षकको भूमिका निभाएको अनुभव छ । उनमा युथ डेभेलोप्मेन्ट र कोचिङको राम्रो ज्ञान रहेको प्रवक्ता शाहले उल्लेख गरे । भिन्सेन्जो अल्बर्टो एनेसको कार्यकाल सकिएपछि एन्फाले नयाँ प्रशिक्षकको लागि आवेदन खुलाएको थियो ।