अर्थतन्त्र

देशको वर्तमान आर्थिक तथा वित्तीय स्थिति भन्छ- आयात ०.२ प्रतिशतले र निर्यात ४.२ प्रतिशतले बढ्याे

• गाउँ सहर संवाददाता
• २७ मङ्सिर बिहीबार, २०८१ | १८:४१:०० मा प्रकाशित

काठमाडाैँ । नेपाल राष्ट्र बैंकद्वारा सार्वजनिक देशको वर्तमान आर्थिक तथा वित्तीय स्थिति (आर्थिक वर्ष २०८१/८२ को चार महिनाको तथ्याङ्कमा आधारित) ले आयात ०.२ प्रतिशतले र निर्यात ४.२ प्रतिशतले बढेको बताएकाे छ ।

आर्थिक तथा वित्तीय स्थितिकाे प्रमुख झलक

 वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति ५.६० प्रतिशत रहेको छ ।

 आयात ०.२ प्रतिशतले र निर्यात ४.२ प्रतिशतले बढेको छ ।

 विप्रेषण आप्रवाह नेपाली रुपैयाँमा ९.१ प्रतिशतले बढेको छ ।

 शोधनान्तर स्थिति रु.२०५ अर्ब ८३ करोडले बचतमा रहेको छ ।

 कुल विदेशी विनिमय सञ्चिति अमेरिकी डलरमा १६ अर्ब ७० करोड रहेको छ ।

 नेपाल सरकारको खर्च रु.४१५ अर्ब २ करोड र राजस्व परिचालन रु.३२३ अर्ब २४ करोड रहेको छ ।

 विस्तृत मुद्राप्रदाय ३.० प्रतिशतले बढेको छ । वार्षिक बिन्दुगत आधारमा यस्तो मुद्राप्रदाय १२.१ प्रतिशतले बढेको  छ ।

 बैंक तथा वित्तीय संस्थाको निक्षेप संकलन २.३ प्रतिशतले र निजी क्षेत्रमा प्रवाहित कर्जा २.५ प्रतिशतले बढेको छ । वार्षिक बिन्दुगत आधारमा निक्षेपको वृद्धिदर १२.६ प्रतिशत र निजी क्षेत्रमा प्रवाहित कर्जाको वृद्धिदर ६.२ प्रतिशत रहेको छ ।

सम्पूर्ण पाठ