गाउँ सहर

शैक्षिक संस्थाका स्पाेर्टस्ले खेलकुदमय पोखरा

• गाउँ सहर संवाददाता
• १६ मङ्सिर आइतबार, २०८१ | १६:२४:०० मा प्रकाशित

पाेखरा । पोखरा रंगशालामा विभिन्न शैक्षिक संस्थाको आयोजनामा भएका खेलकुदले पोखरा नै  खेलकुदमय बनेको छ । उच्च शिक्षालय तथा माध्यमिक विद्यालय संघ नेपाल हिसान कास्कीको आयोजनामा  १७औं हिसान कास्की स्पोर्टस मिट २०८१ सम्पन्न भएको हाे । 

मंसिर  १९ गतेदेखि प्याब्सन कास्कीले तथा मंसिर २५ देखि २८ गतेसम्म निजी विद्यालयको अर्को  छाता संस्था नेसनल प्याब्सन एनप्याब्सन कास्कीको आयोजनामा १४ औं नेसनल प्याब्सन कास्की खेलकुद महोत्सव–२०८१ हुँदैछ ।

एनप्याब्सन कास्कीको पत्रकार सम्मेलनमा कास्की अध्यक्ष हेमन्त अधिकारीले विद्यार्थीमा निहीत प्रतिभा प्रस्फुटनका लागि नियमित कार्यक्रम अन्तर्गत स्पोर्टस् मिट आयोजना गरिएको बताए । यसबाट बालबालिकामा अन्तरनिहीत प्रतिभा खारिने मौका पाएको र विद्यार्थीको सवाङ्र्गीण विकासमा सहयोग मिलेको उनले दाबी गरे । ४९ विद्यालय आबद्ध रहेकामा  ४६ विद्यालयका करिब ८ हजार ५ सय जना विद्यार्थी विभिन्न खेलकुद प्रतियोगितामा भाग लिने भएका छन् ।

औपचारिक उद्घाटन २५ गते पोखरा रंगशालामा संघीय खेलकुद मन्त्री तेजुलाल चौधरीले गर्ने  उनलेे वताए । त्यसअगावै पोखराका विभिन्न खेल मैदानमा २१ मंसिरद ेखि नै विभिन्न खेलहरु सुरु हुनेछन् । प्रतियोगितामा फुटबल, बास्केटबल, टेबलटेनिस, भलिबल, ब्याण्डमिन्टन, क्रिकेट, ह्याण्डबल, फुटसल, एथलेटिक्स एवं ५ किमी सडक दौड लगातयका खेल हुने छन् । ५ किमी दौड भने २२ मंसिरमै हुनेछ ।

यता प्याब्सन कास्कीको यही १९–२३ मंसिरसम्म पोखरा रंगशालामा स्पोर्टस् मिट हुँदैछ । प्याब्सन कास्की अध्यक्ष मथुराप्रसाद पौडेलले विद्यार्थीको खेल प्रतिभाको प्रस्फुटन तथा विकासका निम्ति यो प्रतियोगिता आयोजना गरिएको बताए । प्रत्येक २ वर्षमा हुँदै आएको स्पोर्टस् मिटमा प्याब्सनमा आबद्ध रहेकामध्ये ८८ विद्यालयका करिब ४ हजार ५ सय विद्यार्थीले भाग लिन लागेको पाैडेलले बताए ।

कास्कीमैकृष्णबहादुर केसीको अध्यक्षतामा नेपाल विद्यालय खेलकुद महासंघ कास्की गठन गरिएको छ । प्याब्सन केन्द्रीय उपाध्यक्ष केसी पोखरा पब्लिक स्कुलका संस्थापक हुन् । उनको अध्यक्षतामा १२ सदस्यीय जिल्ला महासंघ गठन  भएको हो ।