खेल

लिटल फ्लावरमा खेलकुद

• गाउँ सहर संवाददाता
• २८ कार्तिक बुधबार, २०८१ | १४:०८:०० मा प्रकाशित

पोखरा । पोखरा महानगरपालिका वडा नं २७ रिठेपानीस्थित लिटल फ्लावर एजुकेशनल एकेडेमीमा विद्यालयको वार्षिक कार्यक्रम अन्तर्गत खेलकुद सप्ताह बुधवारदेखि सुरु भएको छ ।

कार्यक्रम उद्घाटन गर्दै विद्यालयकी संस्थापक एवम् सञ्चालक अध्यक्ष देवी खड्काले विद्यार्थीहरुलाई पढाइको साथसाथै खेलकुदका माध्यमले पनि अगाडि बढाउने उद्धेश्यले वार्षिक कार्यक्रम अन्तरगत स्पोर्टस् संचालन गरिएको बताइन् ।

कार्यक्रममा बोल्दै  प्रिन्सिपल बिकल पौडेलले खेलकुदको विकासका लागि विद्यालयले विभिन्न खेल अभियानमा जोड दिएको बताउँदै खेलकुद हारजितको लागि भन्दापनि विद्यार्थीको सर्वाङ्गिण विकासको लागि आवश्यक पर्ने बताए ।

कक्षा ११, १२ संयोजक बिष्णुहरि पौडेलले शुभकामना दिदै खेलमा उत्कृष्टता हासिल गर्न विद्यार्थीहरुलाई प्रेरित गरे । कार्यक्रमको सञ्चालन गर्दै अतिरिक्त क्रियाकलाप संयोजक विचित्र न्यौपानेले कार्यक्रममाथि प्रकाश पारेका थिए । स्कुल क्याप्टेन आसिका तामाङले शुभकामना मन्तव्य राखेकी थिइन् ।

सञ्चालक अध्यक्ष देवी खड्का र प्रिन्सिपल बिकल पौडेलले संयुक्त रुपमा बास्केटबल प्रशिक्षक निबृत्ति शर्मालाई बल हस्तान्तरण गरी खेलको सुरुवात गरिएको थियो । खेलकुद अन्तर्गत विभिन्न दुरीका दौड, रिले, भलिवल, फुटवल, लङजम्प, बेलुन फुटाई, तातोआलु, बास्केट बल लगायतका खेल सिनियर र जुनियर समूहमा खेलाईने बताइएको छ ।