स्वास्थ्य

आज र भाेलि बालबालिकालाई भिटामिन ‘ए’ खुवाइँदै

• गाउँ सहर संवाददाता
• २ कार्तिक शुक्रबार, २०८१ | ०९:०४:०० मा प्रकाशित

काठमाडाैँ । सरकारले आज कार्तिक २ र भाेलि ३ गते देशभर राष्ट्रिय भिटामिन ‘ए’ कार्यक्रम सञ्चालन गर्ने भएको छ । ७५३ वटा पालिकाबाट कार्तिक २ र ३ मा राष्ट्रिय भिटामिन ‘ए’ तथा जुकाको औषधि खुवाउने कार्यक्रम रहेको राष्ट्रिय स्वास्थ्य शिक्षा सूचना तथा संचार केन्द्रले जनाएको छ ।

राष्ट्रिय पोषण कार्यक्रम अन्तर्गत ६ महिनादेखि ५ वर्ष मुनिका बालबालिकालाई भिटामिन ए क्याप्सुल तथा १ वर्षदेखि ५ वर्ष मुनिका बालबालिकालाई जुकाको औषधि खुवाउन लागिएको हो ।

साथै १५ महिनासम्म लगाउनुपर्ने कुनै नियमित खोप छुटेको भए ५ वर्ष मुनिका बालबालिकालाई नजिकैको स्वास्थ्य संस्थामा छुटेको खोप लगाउन पनि सूचना केन्द्रले अभिभावकलाई आग्रह गरेको छ ।