काभा भलिबलमा नेपालको विजयी शुरुआत
- गाउँ सहर संवाददाता
- १७ श्रावण बिहीबार, २०८१ | १७:००:०० मा प्रकाशित
काठमाडाैं । काभा वुमन्स नेसन्स लिग भलिबलमा नेपालले श्रीलंकालाई पराजित गरेको छ।
राष्ट्रिय खेलकूद परिषद्को त्रिपुरेश्वरस्थित कभर्ड हलमा बिहीबार नेपालले श्रीलंकालाई ३-० को सोझो सेटमा हराएको हो। नेपालले पहिलो सेट २५-१९, दोस्रो सेट २५-१८ र तेस्रो सेट २५-१९ ले जितेको छ।
प्रतियोगितामा नेपाल र श्रीलंकासँगै भारत, माल्दिभ्स र इरान सहभागी छन्। भारत र इरानबीच आज साँझ ५ः४५ बजे प्रतिस्पर्धा हुँदै छ।
राउन्ड रोबिन लिगका आधारमा अंक तालिकाको पहिलोदेखि चौथो टोली सेमिफाइनलमा पुग्नेछ भने पाँचो टोली प्रतियोगिताबाट बाहिरिनेछ। सेमिफाइनलमा शीर्ष टोली र चौथो तथा दोस्रो र तेस्रो स्थानको टोलीबीच प्रतिस्पर्धा हुनेछ।
मध्य एशियाका क्याटेगोरी ‘ए’ र ‘बी’ मा रहेका पाँच देश सहभागी प्रतियोगिताको युवा तथा खेलकूदमन्त्री तेजुलाल चौधरीले उद्घाटन गरेका हुन। भलिबल खेललाई सरकारले विद्यालयको प्राथमिक तहदेखि नै प्राथमकिता राख्ने चौधरीले बताए।
प्रतियोगिता साउन १७ देखि २३ गतेसम्म सञ्चालन हुनेछ। जगदिश भट्ट प्रमुख प्रशिक्षक र भरत यादव सहायक प्रशिक्षक रहेको नेपालको नेतृत्व अरुणा शाहीले गरेकी छन्।
नेपाली टोली : अरुणा शाही (सेटर), सरस्वती चौधरी (स्पाइकर), उषा भण्डारी (स्पाइकर), पुनम चन्द (स्पाइकर), निरुता ठगुन्ना (स्पाइकर), कामना विष्ट (स्पाइकर), आरती सुवेदी (स्पाइकर), सफिया पुन (मिडल ब्लकर), सुमित्रा रेग्मी (मिडल ब्लकर), संगम महत (मिडल ब्लकर), कविता भट्ट (मिडलब्लकर), प्रगति नाथ (सेटर), सलिना श्रेष्ठ (लिबेरो) र शान्तिकला तामाङ (लिबेरो)।
https://www.himalkhabar.com/news/142530
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सांग्रिला डेभलपमेन्ट बैंकले मनायाे आफ्नो २०औं वार्षिकोत्सव
- बुद्धभूमि नगरपालिकामा बसको ठक्करबाट दुई जनाको मृत्यु
- राप्रपाले कीर्तिपुर नगरपालिकाको मेयरमा ध्रुव महर्जनलाई उम्मेदवार बनाउने
- नेप्से परिसूचक ४६ अंकले बढ्यो
- जन्मदिनमा सिटिजन लाइफकाे बीमा पोलिसी उपहार
- धनतेरसमा के किन्दै हुनुहुन्छ ?
- सल्यानमा मिनी ट्रक दुर्घटना हुँदा मृत्यु हुनेकाे संख्या चार पुग्याे
- काठमाडौं महानगरले ताेक्याे फूल बेच्न यी ४६ ठाउँ
- यमपञ्चक सुरू, भाइटीका कता फर्किएर लगाउने ?
- महाेत्तरीमा छठ पर्वका लागि बाँसका भाँडाकुँडा बनाउन भ्याइनभ्याइ
प्रतिकृया दिनुहोस