अर्थतन्त्र

बढ्याे नेप्से, सेयर बजारमा उत्साह

• गाउँ सहर संवाददाता
• २३ असार आइतबार, २०८१ | १७:१५:०० मा प्रकाशित

काठमाडौं । साताको कारोबारको पहिलो दिन आज आइतबार नेपाल स्टक एक्सचेञ्ज (नेप्से) दोहोरो अंकले बढेर बन्द भएको छ । आज नेप्से २१.२७ अंकले बढेर दुई हजार एक सय दशमलब ४० दशमलब ९७ विन्दुमा बन्द भएको हो ।       

नेप्सेमा आज ६ अर्ब २९ लाख ३१ हजार रुपैयाँ बराबरको कारोबार भएको छ । आज कारोबार भएका कम्पनीमध्ये १५० वटाको बढेको छ भने ८२ वटा कम्पनीको शेयरमूल्य घटेको छ । बाँकी १५ कम्पनीको शेयरमूल्य स्थिर रहेको छ ।                 

नेप्सेका अनुसार आज पाँच कम्पनीको शेयरमूल्य पाँच प्रतिशतले बढेको छ । 

आज मैलुङखोला जलविद्युत कम्पनी लिमिटेडको शेयरमूल्यमा उच्च गिरावट आएको छ । यस कम्पनीको शेयरमूल्य आज १० प्रतिशतले घटेको छ । सबैभन्दा बढि एनआरएन इन्फाइन्ट्रक्चर डेभलपमेन्ट लिमिटेडको २१ करोड ७१ लाख बराबरको कारोबार भएको छ ।             

चालु आर्थिक वर्ष समाप्त हुन एक साताभन्दा केही दिनमात्र बढी बाँकी रहँदा सेयर बजार परिसूचक नेप्सेमा निरन्तर बढोत्तरी देखिएको छ । बदलिँदो सत्ता समीकरण र सूचीकृत कम्पनीको कमाईलाई आंकलन गर्दै लगानीकर्ताहरुले बजारमा लगानी बढाएका हुन् ।