प्रभु लाइफ इन्स्योरेन्स र महालक्ष्मी लाईफ इन्स्योरेन्सले मर्जर प्रक्रिया पूरा
- गाउँ सहर संवाददाता
- २७ असार बुधबार, २०८० | १२:५४:०० मा प्रकाशित
काठमाडौँ । प्रभु लाइफ इन्स्योरेन्स र महालक्ष्मी लाईफ इन्स्योरेन्सले मर्जर प्रक्रिया पूरा गरी असार २९ गतेदेखि एकीकृत कारोबार शुरू गर्दैछन् ।
२०७९ असार ३० गते मर्जरका लागि प्रारम्भिक सम्झौता गरेका यी कम्पनीले एक वर्षमा एकीकृत कारोबार शुरू गर्न लागेका हुन् । दुवै कम्पनीले मर्जरसम्बन्धी प्रस्ताव गत जेठ २६ गते सम्पन्न अलगअलग वार्षिक साधारण सभाबाट पारित गरेका थिए ।
यी कम्पनीहरूलाई मर्जरका लागि नेपाल बीमा प्राधिकरणले जेठ २९ गते र कम्पनी रजिष्ट्रारको कार्यालयबाट असार १८ गते स्वीकृति प्राप्त भएको हो । नेपाल धितोपत्र बोर्डले भने असार २६ गते मर्जरका लागि स्वीकृति दिएसँगै कम्पनीहरू एकीकृत कारोबार शुरू गर्न जुटेका हुन् ।
यी कम्पनीहरूले प्रभु महालक्ष्मी लाइफ इन्स्योरेन्स लिमिटेडको नामबाट एकीकृत कारोबार शुरू गर्न लागेको जानकारी कम्पनीहरूले दिएका छन् । एकीकृत कारोबारका लागि असार २९ देखि ३१ गतेसम्म सम्पूर्ण सेवा बन्द हुने जानकारी समेत कम्पनीले दिएको छ ।
हाल प्रभु लाइफको चुक्ता पूँजी रू. २ अर्ब १९ करोड ६० लाख छ भने महालक्ष्मी लाईफको रू. २ अर्ब १० करोड छ । यी दुई कम्पनी समान हैसियतमा एक हुन लागेका हुन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपाल विजयी
- वेस्ट इन्डिज ‘ए’ विरुद्धको टि-२० श्रृंखलाको अन्तिम खेलमा नेपालले पायाे १७३ रनकाे लक्ष्य
- सुर्ती सेवनबाट दैनिक ७३ जना मृत्यु
- टी–२० विश्वकप खेल्ने नेपाली टोलीलाई क्यानको बिदाइ (तस्बिरहरू)
- सय रुपैयाँको नोटमा नेपालको नयाँ नक्सा राख्ने निर्णय
- जापान पठाउने भन्दै २१९ जनालाई ठग्ने पक्राउ
- ग्लोबल आइएमई बैंकको प्रतिबद्धता, प्लास्टिकको खपत कम गरिने
- संसदको बजेट अधिवेशन आव्हान
- शेयरबजार : काराेबार रकम ४ अर्ब नाघ्याे, नेप्सेमा सामान्य अंककाे गिरावट
- रोहित भर्सेस वेस्टइन्डिज ‘ए’ ! तेस्रो हारसँगै नेपालले सिरिज गुमायो
प्रतिकृया दिनुहोस