गाउँ सहर

संखुवासभामा हेलिकप्टर दुर्घटनामा क्याप्टेनसहित दुईजना गम्भिर

• गाउँ सहर संवाददाता
• २२ बैशाख शुक्रबार, २०८० | १४:४०:०० मा प्रकाशित

काठमाडौं । संखुवासभामा हेलिकप्टर दुर्घटनामा परेको छ ।

माथिल्लो अरुणको सामान बोकेको सिम्रिक एयरको हेलिकप्टर दुर्घटनामा परेको हो ।

भोटखोला गाउँपालिका वडा नम्बर ४ को सिप्रुङमा हेलिकप्टर दुर्घटना भएको हो ।

दुर्घटनामा क्याप्टेन सुरेन्द्र पौडेल र स्थानीय भविन गुरुङ गम्भीर घाइते भएका हुन् । उनीहरुलाई नेपाली सेनाको टोलीले उद्धार गरेर उपचारका लागि पठाएको छ ।

सो हेलिकोप्टरले हाइड्रोपावरको माटो, ढुंगा तथा कंक्रिट प्रयोगशालाका लागि आवश्यक सामान गोला भन्ने स्थानबाट ओसारिरहेको थियो । त्यसै क्रममा हेलिकप्टर दुर्घटनामा परेको प्रहरीले जनाएको छ ।