अर्थतन्त्र

नेपाल वित्तीय संस्था कर्मचारी संघ कृषि विकास बैंकको दशौँ महाअधिवेशन शुरू

• गाउँ सहर संवाददाता
• ५ बैशाख मंगलबार, २०८० | १३:१०:०० मा प्रकाशित

काठमाडौं । कृषि विकास बैंक, वित्तीय सस्था कर्मचारी युनियनका पदाधिकारी तथा प्रतिनिधि आफ्नो  नेतृत्व चयनका लागि दशौँ महाधिवेशनको सवै तयारी पुरा भएको छ । युनियनका पदाधिकारी तथा प्रतिनिधि आफ्नो  नेतृत्व चयनका लागि भक्तपुरको वोडेमा जम्मा भएका छन् ।

नेपाल वित्तीय संस्था कर्मचारी संघ, कृषि विकास बैंकको २०८० बैशाख ५ र ६ गते भक्तपुरको बोडेमा सम्पन्न हुन लागेको दशौँ केन्द्रीय महाधिवेशनको आज नेपाली कांग्रेसका सभापति तथा पूर्व प्रधानमन्त्री  शेरबहादुर  देउवाले उद्घाटन गरे । उक्त महादिबेशनमा देशभरीबाट ३००  प्रतिनिधि रहेका छन् ।

संगठनको चुनावमा पुण्य प्रसाद दाहालको प्यानलमा सिद्धीलाल मगिया र रमेश कटुवालले उमेद्धवारी धोषणा गरेका छन् । बैंक भित्रको नेतृत्वका लागि समेत काग्रेसको केन्द्रिय नेतृत्वले उत्तीकै चासो राखेको छ । सरकारी तीन बैंक मध्ये ठुलो युनियन कृषि विकास बैंकमा रहेको छ ।  युनियनका पदाधिकारी तथा प्रतिनिधिहरुले ट्रेड युनियन लगायत नेपाली कांग्रेस समर्थित पेशागत संगठनहरुमा समेत राम्रो प्रभाव पार्ने देखिन्छ । 

बैंक भित्र सौदावाजीको महत्वपुर्ण भुमिका निर्वाह गर्ने यो युनियन कृषि विकास बैंकमा क्रियाशिल युनियन मध्येकै ठुलो युनियन हो । यो युनियनको नेतृत्वले बैंकको व्यवसायिकताको सवालमा निकै दख्खल दिने गरेको छ ।

संगठनात्मक क्षमतामा कौशल, उर्जावान, समय सापेक्ष र बैंकमा कार्यरत श्रमजीवी कर्मचारीको मर्म बुझ्ने लामो समय देखि युनियनमा आफनो कृयाशिल समय अनुशासन पुर्बक बिताएकाअध्यक्ष पदका दाबेदार पुण्य प्रसाद दाहाल नेतृत्वको टिम अग्रज,अनुभवि सशक्त देखिएको छ । व्यवस्थापनसँग सौदावाजी गर्न वलियो तर्क प्रस्तुत गर्ने, बैंकमा व्यवसायिकता कायम गर्न गराउन लागि पर्ने र युनियनको आन्तरिक व्यवस्थापनमा सामुहिक निर्णय गर्ने कौशल दाहालको समुहमा रहेको छ । महाधिवेशन प्रतिनिधिहरु स्वतन्त्ररुपमा नेतृत्व छनौट गर्न सक्षम रहेको र मातृ संस्थाको हस्तक्षप अस्वीकार गर्ने पक्षमा सवै प्रतिनिधिको एक मत रहको छ ।