खेल

नेपाललाई हराउँदै भियतनाम ओलम्पिक महिला फुटबल छनोटको दोस्रो चरणमा

• गाउँ सहर संवाददाता
• २५ चैत शनिबार, २०७९ | २०:०९:०० मा प्रकाशित

काठमाडौं । ओलम्पिक खेलकुदको महिला फुटबलको छनोटअन्तर्गत दोस्रो खेलमा नेपाल भियतनामसँग २-० गोलले पराजित भएको छ ।

त्रिपुरेश्वरस्थित दशरथ रंगशालामा शनिबार घरेलु टोली नेपाल बलियो राष्ट्र भियतनामसँग पराजित भएको हो ।

भियतनामका लागि दुवै गोल फाम हाई येनले गरेकी हुन् । उनले दुई मिनेटमा दुई गोल गरिन् । ५ औँ मिनेटमा टोलीलाई अग्रता दिलाएकी येनले दुई मिनेट लगत्तै अग्रता दोब्बर बनाएकी थिइन् ।

नेपालमाथि लगातार दुई जित निकालेसँगै भियतनाम भने दोस्रो चरणमा प्रवेश गरेको छ । पहिलो खेलमा भियतनामले नेपाललाई ५-१ गोल अन्तरले हराएको थियो ।