न्यायाधीशकाे नियुक्ति ढिलाई हुँदा सर्वोच्च अदालतको न्याय सम्पादन प्रभावित
- गाउँ सहर संवाददाता
- १४ चैत मंगलबार, २०७९ | १६:२५:०० मा प्रकाशित
काठमाडौं । सर्वोच्च अदालतले न्याय सम्पादनलाई प्रभावकारी बनाउन रिक्त न्यायाधीश नियुक्ति आवश्यक भौतिक पूर्वाधार अभावको समस्या शीघ्र सम्बोधन गर्न आवश्यक रहेको जनाएको छ ।
सर्वोच्च अदालतका प्रवक्ता विमल पौडेलले संवैधानिक तथा न्यायिक पत्रकारसँगको भेटमा रिक्त न्यायाधीशको नियुक्तिमा ढिलाई हुँदा न्याय सम्पादन प्रभावित भइरहेको जानकारी दिए ।
प्रवक्ता पौडेलले सर्वोच्च अदालतमा ५ जना न्यायाधीशको पद रिक्त भएपछि मुद्दाको चापका कारण पेशी तोकिएका मुद्दा पनि हेर्न नभ्याउने गरेको बताए । उनले जनशक्ति अभावका बाबजुद पनि मुद्दा फछर्याैटको अवस्था सन्तोषजनक रहेको बताउँदै पाँच बर्ष नाघेका मुद्दाको सङ्ख्या ४ हजार ५ सयमा झारेको जानकारी दिए ।
प्रवक्ता पौडेलले सर्वोच्चमा रहेका ५ बर्ष पुरानो मुद्दाको पेशी २ महिनाभित्र र नयाँको हकमा ६ महिना नबढ्ने गरी पेशी व्यवस्थापन गरिएको जानकारी दिँदै अन्तरिम आदेश भएको मुद्दाको पेशी एक हप्ताभित्रै तोक्ने गरी व्यवस्था भएको पनि जानकारी दिए ।
न्यायाधीश अभावका कारण सर्वोच्च अदालतले संवैधानिक इजलास हप्ताको एक दिन बुधबारमात्र गठन गर्न थालेको छ । यसअघि संवैधानिक इजलास हप्ताको २ पटक बुधबार र शुक्रबार गठन हुँदै आएको थियो ।
मुद्दाको चाप बढ्दै गएपनि न्यायाधीश नियुक्तिमा ढिलाई भइरहेको भन्दै प्रवक्ता पौडेलले यो अवस्था एक बर्ष रहे सर्वोच्चमा १० जनामात्र न्यायाधीश हुने जानकारी दिए । २१ न्यायाधीश रहेको सर्वोच्च अदालतमा हाल १६ न्यायाधीश छन् ।
प्रवक्ता पौडेलले सर्वोच्च अदालतमा कुल ३६ हजार ५ सय बढी मुद्दा रहेकोमा यस वर्ष ७ हजार ७ सय मुद्दा फछर्याैट भएको बताए । सर्वोच्च अदालतमा अझै २८ हजार ८ सय बढी मुद्दा फछर्याैट हुन बाँकी छ ।
यस्तै, सर्वोच्च अदालतले भौतिक पूर्वाधार अभावका कारण १५ देखि १६ हजार मुद्दाको मात्र व्यवस्थापन गर्न सकिने गरि ठाउँ व्यवस्था गरिएकोमा ४० हजार मुद्दाको मिसिल व्यवस्थापन गर्नुपर्दा समस्या भएको जनाएको छ ।
प्रवक्ता पौडेलले ठाउँ अभावका कारण कर्मचारीलाई कार्य सम्पादन सहज नभएको र मिसिलहरू सेवाग्राही हिँड्ने करिडोरमा राख्नुपरेको लगायतको समस्या रहेको जानकारी दिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- अशोक राई नेतृत्वको पार्टी 'जसपा' निर्वाचन आयोगमा दर्ता
- गृह मन्त्रालयको तीन बुँदे निर्देशन : हिरासत छल्न अस्पताल भर्ना हुने परिपाटी रोकिने
- प्रभु बैंकका ग्राहकले गणेशमान सिंह मेमोरियल हस्पिटलको सेवामा विशेष छुट पाउने
- बागमती प्रदेशमा नेपाल र तामाङ भाषा बने ‘सरकारी कामकाजको भाषा’
- खडेरीले सुक्न थाल्यो मकै, चिन्तामा किसान
- अशोक राई नेतृत्वमा यस्तो बन्यो नयाँ जसपा, प्रस्तावित कार्यसमिति यस्तो छ
- एनआईसी एशिया ‘बैंक पनि, पुस्तकालय भवन बनाइदिने सहयाेगी पनि’
- पहाडी भूभागमा सामान्य वर्षा
- फुट्यो जनता समाजवादी पार्टी , अशोक राई समूह नयाँ पार्टी
- वार्षिक जनसंख्या वृद्धि ०.९२ प्रतिशत, नेपालीको औसत आयु ७१.३ वर्ष
प्रतिकृया दिनुहोस