राजनीति

फुट्यो जनता समाजवादी पार्टी , अशोक राई समूह नयाँ पार्टी

• गाउँ सहर संवाददाता
• २३ बैशाख आइतबार, २०८१ | १७:४२:०० मा प्रकाशित

काठमाडौं । जनता समाजवादी पार्टी विभाजित भएको छ । पार्टीका नेता अशोक राई नेतृत्वको समूहले नयाँ पार्टी गठनको मागगर्दै निर्वाचन आयोगमा निवेदन दिएका छन् ।

उपेन्द्र यादव नेतृत्वको जनता समाजवादी पार्टीसँग संघीय संसदमा १२ सांसद छन्, उनीहरुमध्ये ७ सांसद निर्वाचन आयोग पुगेका सांसद प्रदीप यादवले जानकारी दिए ।

अशोक राईको नेतृत्वमा नयाँ दल दर्ताका लागि सांसदहरू निर्वाचन आयोग पुगेका हुन् । पार्टीको नाम जसपा र चुनाव चिह्न मुठ्ठी राख्ने गरी उनीहरूले निवेदन दिएका छन् ।

पार्टी विभाजनका लागि सरकारका बहालवाला मन्त्री नवलकिशोर साह सुडी समेत निर्वाचन आयोग पुगेका छन् । सप्तरीबाट निर्वाचित सांसद सुडी सरकारका बहालवाला वन तथा वातावरण मन्त्री छन् ।

विद्रोही सांसदहरूमा प्रस्तावित अध्यक्ष राईका अलावा वीरेन्द्र महतो, प्रदीप यादव, नवलकिशोर साह सुडी (हाल वनमन्त्री), सुशीला श्रेष्ठ, हसिना खानुत र रञ्जु ठाकुर छन् ।